Doctor Vikatan: பழங்களை உணவோடு சேர்த்துச் சாப்பிட்டால் செரிமானம் பாதிக்கப்படும் என்கிறார்களே, அது உண்மையா... அப்படி உணவோடு சேர்த்துச் சாப்பிட்டால் என்ன பாதிப்பு வரும்? பதில் சொல்கிறார், சென்னையைச் சேர்ந்த ஊட்டச்சத்து ஆலோசகர், சௌந்தர்யா சுப்ரமணியன் ஊட்டச்சத்து ஆலோசகர், சௌந்தர்யா சுப்ரமணியன் பழங்கள் பொதுவாக 20-30 நிமிடங்களில் செரிமானமாகிவிடும். ஆனால், சமைத்த உணவுகள் அல்லது புரதம் நிறைந்த உணவுகள் செரிமானமாக 2 முதல் 3 மணி நேரம் ஆகும். இதனால், உணவோடு சேர்த்து, பழங்களைச் சாப்பிடும்போது, பழங்களில் உள்ள ஊட்டச்சத்துகள் முழுமையாக உறிஞ்சப்படாமல் போகலாம் அல்லது மிகக் குறைவாகவே உறிஞ்சப்படலாம். இப்படிச் சாப்பிடும் பழங்களால் உடலுக்கு எந்த நன்மையும் ஏற்படாது. 'இரிட்டபுள் பவல் சிண்ட்ரோம்' (IBS) அல்லது சென்சிட்டிவ்வான குடல் பாதிப்பு (sensitive gut) உள்ள சிலருக்கு, உணவோடு சேர்த்து பழங்களைச் செரிப்பது கடினமாக இருக்கும். இது வயிற்றில் பழங்கள் நொதித்துப்போக (ferment) வழிவகுத்து, வயிற்று உப்புசம் அல்லது வாயுத் தொல்லையை ஏற்படுத்தலாம். அதிக கார்போஹைட்ரேட் (மாவுச்சத்து) உள்ள உணவோடு பழங்களையும...