Tamil News Tamila

Doctor Vikatan: என் நெருங்கிய தோழிக்கு 28 வயதாகிறது. அவள் தனியார் நிறுவனமொன்றில் வேலை செய்கிறாள். அவளுக்கு எப்போதுமே சிந்தனைகள் அதிகம். ஒரு வாரம் மகிழ்ச்சியான மனநிலையில் இருப்பாள். அடுத்த வாரமே சோகமாக மாறிவிடுவாள். இது சாதாரண மன அழுத்தத்தின் அறிகுறியா அல்லது அவளுக்கு மனநல பாதிப்பு இருக்க வாய்ப்பு உண்டா? பதில் சொல்கிறார் சென்னையைச் சேர்ந்த, மனநல மருத்துவர் சுபா சார்லஸ் மனநல மருத்துவர் சுபா சார்லஸ் மனது எப்போதும் ஒரே நேர்க்கோட்டில் போகாது. திடீரென உற்சாகம் கொள்ளும். அடுத்து அது மட்டுப்படும். தொடர்ந்து அதற்கு நேரெதிராக ஏதோ ஒரு கவலை வரும்.  மன அழுத்தத்தை ஆரம்பநிலை, மிதமானது, தீவிரமானது என மூன்று வகைகளாகப் பிரிக்கலாம். ஆரம்பநிலை மன அழுத்தத்தால் பாதிக்கப்படுவோர், தானாகவே சரிசெய்து கொள்வார்கள். இது கவலைக்குரியதல்ல. மிதமான மன அழுத்தத்தில் கவனமின்மை அதிகரிக்கும். தற்கொலை எண்ணம் வந்தாலும், அதைச் செயல்படுத்தத் தோன்றாது. நாளைக்குச் சரியாகிவிடும் என்கிற நம்பிக்கை இருக்கும். கவுன்சிலிங் கொடுத்தாலே அதிலிருந்து மீண்டு விடுவார்கள். மூன்றாவது நிலை தீவிர மன அழுத்தம். இதில் கவலை வரும். அத...

Doctor Vikatan: எனக்கு 43 வயதாகிறது. கடந்த சில நாள்களாக  எனக்கு அடிக்கடி உடல்நலம் பாதிக்கப்பட்டுக் கொண்டிருந்த நிலையில், மருத்துவரை அணுகினேன். எனக்கு பால் ஒவ்வாமை இருக்கலாம் என்று சொல்லி, பால் பொருள்களைத் தவிர்க்கச் சொன்னார். இதை எப்படிப் புரிந்துகொள்வது... இந்தப் பிரச்னை எப்படிப்பட்ட அறிகுறிகளைக் காட்டும்? பதில் சொல்கிறார், கோவையைச் சேர்ந்த ஊட்டச்சத்து ஆலோசகர் கற்பகம். கற்பகம், ஊட்டச்சத்து ஆலோசகர் உங்களுக்கு ஏற்பட்டிருக்கும் பிரச்னைக்கு 'லாக்டோஸ் இன்டாலெரன்ஸ்' (Lactose Intolerance) என்று பெயர். அது சில அறிகுறிகளைக் காட்டும். பால் பொருள்கள் உட்கொண்ட 30 நிமிடங்களில் இருந்து 2 மணி நேரத்திற்குள் பின்வரும் பிரச்னைகள் தோன்றும். வயிற்று உப்புசம் (Bloating), வாயுத் தொல்லை (Flatulence), கடுமையான வயிற்றுவலி மற்றும் தசைப்பிடிப்பு (Cramps) போன்ற அறிகுறிகள் உடனே தெரியவரும். முகத்தில் பருக்கள் (Acne) வருவது, அடிவயிறு மற்றும் இடுப்புப் பகுதியைச் சுற்றி எடை அதிகரிப்பது போன்றவை பிறகு தெரியவரலாம். பால் பொருள்களைத் தவிர்த்தல்தான் இந்தப் பிரச்னைக்கான முதல் தீர்வாக அறிவு...

Doctor Vikatan: என் வயது 65. கடந்த பத்து வருடங்களாக எனக்கு சர்க்கரைநோய் இருக்கிறது. நான் தினமும் 15 நிமிடங்கள் வாக்கிங் போவேன். இது போதுமா... எத்தனை மணி நேரம், எவ்வளவு வேகமாக வாக்கிங் செய்ய வேண்டும்? சர்க்கரை நோய் உள்ள எல்லோருமே வாக்கிங் செய்ய வேண்டுமா? பதில் சொல்கிறார் சென்னையைச் சேர்ந்த, நீரிழிவு சிகிச்சை  மருத்துவர் சண்முகம். நீரிழிவுநோய் சிகிச்சை மருத்துவர் சண்முகம். நீரிழிவு நோயாளிகள் வாக்கிங் செல்வது மிகமிக நல்ல பழக்கம். எப்படி நடைப்பயிற்சி மேற்கொள்வது என்பதில் பலருக்கும் பல சந்தேகங்கள் இருப்பதைப் பார்க்கிறோம். வேகமாக வியர்த்து விறுவிறுக்க நடக்க வேண்டுமா, நிதானமாக நடக்கலாமா, எத்தனை நிமிடங்கள் நடக்கலாம், எந்த நேரம் சரியானது என்றெல்லாம் கேட்கிறார்கள். இதுதொடர்பாக பல ஆராய்ச்சிகளும் உலகம் முழுவதும் நடைபெற்றுள்ளன. இந்த ஆய்வுகளிலிருந்து கிடைக்கும் முடிவுகள் என்னவெனில், 30 முதல் 40 நிமிடங்கள் வரை நடைப்பயிற்சி மேற்கொள்வது போதுமானது. காலையா, மாலையா என்பது உங்கள் வசதியைப் பொறுத்தது. வெறும் வயிற்றில் நடக்கக் கூடாது. அதேபோல் அதிகம் சாப்பிட்ட பிறகும் நடக்கக் கூடாது. வாரம் மு...

சிறந்த நடைமுறைகளை வலுப்படுத்துக! கருப்பொருள் 2026: நிலையான தொடக்கத்திற்குத் தாய்ப்பால் தாய்ப்பால் கொடுப்பது என்பது வெறும் கடமையோ அல்லது ஒரு வேலையோ அல்ல... அது தாய்க்கும் சேய்க்கும் இடையே நிகழும் ஓர் உணர்வுப்பூர்வமான பந்தம்! ஆகஸ்ட் 1 முதல் 7 வரை உலகம் முழுவதும் ‘உலக தாய்ப்பால் வாரம்’ கடைப்பிடிக்கப்படுகிறது. 1990-ஆம் ஆண்டு WHO, UNICEF ஆகியவை இணைந்து உருவாக்கிய ‘இன்னொசென்டி பிரகடனம்’ (Innocenti Declaration) நினைவாக, 1992 முதல் ஒவ்வொரு வருடமும் விழிப்புணர்வு பரப்பப்பட்டு வருகிறது. இது குறித்து மருத்துவர் டாக்டர் R. பிரியதர்ஷினி MBBS DCH DNB(Pediatrics) பகிர்ந்த விரிவான மருத்துவ வழிகாட்டல்கள் இதோ... முதல் தடுப்பூசி: 'சீம்பால்' எனும் Colostrum! குழந்தை பிறந்தவுடனே தாய்ப்பால் கொடுப்பது நல்லது. அதிகபட்சம் ½ அல்லது 1 மணி நேரத்திற்குள் சுகப் பிரசவம் அல்லது சிசேரியன் எதுவாகினும் தாய்ப்பால் கொடுக்க வேண்டும். பிரசவித்த முதல் சில நாள்களில் சுரக்கும் இந்த அடர் மஞ்சள் நிற 'சீம்பாலில்' IgA (Immunoglobulin A) என்ற முக்கியமான ஆன்டிபாடி உள்ளது. இது பிறந்த குழந்தையின் குடல் மற்றும் சுவாசப்...

Doctor Vikatan: என் வயது 56. நான் கடந்த 20 வருடங்களாக சிகரெட் பிடிக்கும் பழக்கத்திலிருந்து மீள முடியாமல் இருந்தேன். பலமுறை அதை விட நினைத்துத் தோற்றுப் போயிருக்கிறேன். பெரிய போராட்டத்துக்குப் பிறகு இப்போது கடந்த ஒரு வருடமாக சிகரெட் பிடிப்பதில்லை. ஆனாலும் இத்தனை வருடங்கள் அந்தப் பழக்கத்தில் இருந்ததால் என் ஆரோக்கியம் பாதிக்கப்பட்டிருக்குமோ, நுரையீரல் செயல்பாடு குறைந்திருக்குமோ எனப் பயமாக இருக்கிறது. பொதுவாக,  புகைப்பழக்கத்தை நிறுத்திய பிறகு நுரையீரல் எப்போது தன் பழைய நிலைக்குத் திரும்பும்? பதில் சொல்கிறார், சென்னையைச் சேர்ந்த பொது மருத்துவர் அருணாசலம் பொது மருத்துவர் அருணாசலம் பெரிய போராட்டத்துக்குப் பிறகு ஒரு போதையிலிருந்து மீண்டிருக்கிறீர்கள். அந்த மன உறுதியை அப்படியே பின்பற்ற வாழ்த்துகள். புகைப்பிடிப்பதை நிறுத்திய அடுத்த நிமிடத்திலிருந்தே உடலுக்கு நன்மை நடக்கத் தொடங்கிவிடும். ஒரு நாளைக்கு 20 சிகரெட் பிடிப்பவர்கள், நான்கைந்து பாக்கெட் வரை பிடித்தவர்கள், 10 நிமிடங்களுக்கு ஒரு முறை சிகரெட் பிடிப்பவர்கள்கூட, அதை நிறுத்தி ஒருநாள் முழுவதும் புகைக்காமல் இருந்தால், அந்...

Doctor Vikatan: என் உறவினருக்கு 35 வயது. அவருக்கு சிகரெட், குடி என எந்தக் கெட்டப் பழக்கமும் கிடையாது. ஆனாலும், சமீபத்தில் வேறு பிரச்னைக்காக மருத்துவப் பரிசோதனை செய்தபோது, அவருக்கு கல்லீரலில் கொழுப்பு சேரும் 'ஃபேட்டி லிவர்' பிரச்னை இருப்பது தெரிய வந்திருக்கிறது.  பொதுவாக, குடிப்பழக்கம் உள்ளவர்களுக்குத்தான் இந்தப் பிரச்னை வரும் என கேள்விப்பட்டிருக்கிறேன்.  குடிக்காவிட்டாலும் பாதிப்பது ஏன்?  பதில் சொல்கிறார் சென்னையைச் சேர்ந்த, இன்டர்னல் மெடிசின் எக்ஸ்பெர்ட் டாக்டர் ஸ்பூர்த்தி அருண். மருத்துவர் ஸ்பூர்த்தி அருண் | சென்னை கல்லீரலில் கொழுப்பு படியும் நிலையை 'ஃபேட்டி லிவர்' (Fatty liver) என்று சொல்கிறோம். இதில், 'ஆல்கஹாலிக் ஃபேட்டி லிவர்' (Alcoholic fatty liver) மற்றும் 'நான்-ஆல்கஹாலிக் ஃபேட்டி லிவர்' (Non-Alcoholic fatty liver) என இருவகை உண்டு. குடிப்பழக்கம் இல்லாதவர்களுக்கும் ஃபேட்டி லிவர் பாதிப்பு வரும். கொழுப்பு படிவது அதிகரிக்க, அதிகரிக்க, ஒரு கட்டத்தில் கல்லீரல் செயலிழப்பு வரை நிலைமை தீவிரமாகலாம். பாதிப்பு குறைவாக இருக்கிறதா, மிதமானதாக இருக்கிறத...

Doctor Vikatan: தாய்ப்பால் கொடுக்கும் பெண்களுக்கு அதுவே கருத்தடையாக இருக்கும் என்கிறார்களே... அது உண்மையா... தாய்ப்பால் கொடுக்கும் நிலையில் எத்தனை மாதங்கள் வரை கருத்தரிக்காமல் இருக்கும்? பதில் சொல்கிறார் சென்னையைச் சேர்ந்த, மகப்பேறு மருத்துவரும், லேப்ராஸ்கோப்பி அறுவைசிகிச்சை நிபுணருமான ஆர். கார்த்திகா.    டாக்டர் கார்த்திகா கருத்தரிப்பது தொடர்பான  மூட நம்பிக்கைகளில், இதையும் ஒன்றாகவே பார்க்க வேண்டும். பொதுவாக பிரசவத்துக்குப் பிறகு தாய்ப்பால் கொடுக்க ஆரம்பிக்கும்போது, 6 மாதங்கள் வரை பீரியட்ஸ் வராது. குழந்தைக்குத் தொடர்ந்து தாய்ப்பால் கொடுக்கிறீர்கள், பீரியட்ஸும் வரவில்லை என்ற நிலையில் நீங்கள் கர்ப்பமாகும் வாய்ப்புகள் மிகக் குறைவு.  ஆனால்,  பெரும்பாலான பெண்களுக்கு பீரியட்ஸ் வர ஆரம்பித்துவிடும். பீரியட்ஸ் வரத் தொடங்கிவிட்டாலே கருமுட்டை வெடித்து வெளியே வருகிறது என்பதைப் புரிந்துகொள்ளலாம். அந்த நிலையில் கருத்தரிக்க வாய்ப்புகள் அதிகம். எனவே, நீங்கள் கருத்தரிக்க வேண்டாம் என நினைத்தால், தாய்ப்பால் கொடுக்கும் நிலையிலும் அவசிய...

Doctor Vikatan: என் வயது 58. எனக்கு கடந்த சில வாரங்களாக காது கேட்பதில் சிரமங்களை உணர்கிறேன். இது தற்காலிகமான பிரச்னையாக இருக்குமா... மீண்டும் காது கேட்குமா அல்லது நிரந்தரமான பிரச்னையாக மாறிவிடுமா... என்ன செய்வது? பதில் சொல்கிறார் சென்னையைச் சேர்ந்த, காது-மூக்கு-தொண்டை சிகிச்சை மருத்துவர் பி.நடராஜ். காது- மூக்கு - தொண்டை சிகிச்சை மருத்துவர் பி.நடராஜ் | சென்னை திடீரென ஏற்படும் காதுகேளாமை பிரச்னை ஒரு காதிலோ, இரண்டு காதுகளிலுமோ உணரப்படலாம். அது ஒலியின் அளவு குறைவது அல்லது ஒலியின் தெளிவு குறைவது என எப்படி வேண்டுமானாலும் இருக்கலாம். இந்தப் பிரச்னையை 'சடன் சென்சோநியூரல் ஹியரிங் லாஸ்'   (Sudden sensorineural hearing loss ) என்றும் சொல்வதுண்டு.  அலர்ஜி, சைனஸ் தொற்று, காதை அடைத்துக்கொண்டிருக்கும் மெழுகு என இந்தப் பிரச்னைக்கு இதெல்லாம் காரணமாக இருக்கலாம் என்ற யூகத்தில் இதை அலட்சியம் செய்தால்,  பிரச்னை தீவிரமாகும்போது, சிகிச்சை அளிப்பதில் சிரமமும் பலனில்லாமல் போவதும் நடக்கும்.  திடீர் காது கேளாமை பிரச்னைக்குள்ளாவோரில் பத்தில் ஒன்பது பேருக்கு ஒரு காதில் மட்டும் பாதிப்...

Doctor Vikatan: எனக்கு இரண்டு குழந்தைகள். இருவருமே காலை உணவுக்கு வழக்கமான இட்லி, தோசை போன்ற உணவுகளைச் சாப்பிடுவதில்லை. தினமும் மில்க் ஷேக் மட்டுமே கேட்கிறார்கள். இப்படி தினமும் மில்க் ஷேக் கொடுப்பது ஆரோக்கியமானதா... அது சத்தான உணவாக இருக்குமா? பதில் சொல்கிறார் சென்னையைச் சேர்ந்த, குழந்தைகளுக்கான ஊட்டச்சத்து ஆலோசகர் லேகா ஸ்ரீதரன் ஊட்டச்சத்து ஆலோசகர் லேகா ஸ்ரீதரன் ``உணவுக்கு மாற்றாக நீங்கள் மில்க் ஷேக் கொடுக்கிறீர்கள் என்றால், அதை அதிகபட்ச ஊட்டச்சத்து நிறைந்ததாகத் தயாரித்துக் கொடுக்க வேண்டியது முக்கியம். உதாரணத்துக்கு, ஃப்ரெஷ்ஷான பழங்களில் செய்யப்படும் மில்க் ஷேக், காய்கறிகள் மற்றும் பாலக் கீரையில் செய்யப்படுகிற ஸ்மூத்தி போன்றவற்றைக் கொடுக்கலாம். இவை குழந்தைகளுக்குத் தேவையான வைட்டமின் மற்றும் தாதுச்சத்துகளைக் கொடுப்பதோடு, நார்ச்சத்துக்கும் உதவும். உங்கள் மருத்துவர் அல்லது ஊட்டச்சத்து ஆலோசகரின் வழிகாட்டுதலோடு, அவர்கள் பரிந்துரைக்கும் நியூட்ரிஷனல் சப்ளிமென்ட் சேர்த்தும் மில்க் ஷேக்  செய்து கொடுக்கலாம். அதன் மூலம் குழந்தைகளுக்குத் தேவையான புரதச்சத்து  அதிகரிக்...

Doctor Vikatan: எனக்கு 71 வயது ஆகிறது. வலதுபுற காலில் முட்டியின் பின்பகுதியில் நரம்பு மிகவும் இழுக்கிறது. இடுப்பில் இருந்து பாதம் வரை நரம்பு இழுத்து, மிகுந்த வலி ஏற்படுகிறது. நடந்தால் மூட்டு வலிக்கிறது. இதற்கு என்ன செய்யலாம்? பதில் சொல்கிறார், சென்னையைச் சேர்ந்த எலும்பியல் சிகிச்சை மருத்துவரும் ரோபோட்டிக் அறுவை சிகிச்சை நிபுணருமான வெங்கடரமணன் சுவாமிநாதன். எலும்பியல் சிகிச்சை மருத்துவரும் ரோபோட்டிக் அறுவை சிகிச்சை நிபுணருமான வெங்கடரமணன் சுவாமிநாதன். நீங்கள் குறிப்பிட்டுள்ள வலியைப் பார்க்கும்போது இது பெரும்பாலும் முழங்கால் தேய்மானம் காரணமாக ஏற்படும் பிரச்னையாக இருக்கலாம் என்று தோன்றுகிறது. உங்களுக்குப் படிக்கட்டுகளில் ஏறி இறங்கும்போதோ அல்லது உட்கார்ந்து எழுந்திருக்கும்போதோ வலி இருந்தால், அது நிச்சயமாக முழங்காலில் இருந்து வரக்கூடிய வலியாகத்தான் இருக்கும்.  இதற்கான சிகிச்சை முறையைத் தொடங்குவதற்கு முதல் கட்டமாக நீங்கள் சில விஷயங்களைச் செய்ய வேண்டும். அதன்படி,  பிசியோதெரபி (Physiotherapy) சிகிச்சையைக் குறிப்பிட்ட நாள்களுக்கு எடுக்கலாம். தசை வலிமைக்கான பயிற்சிகள...

Doctor Vikatan: என் நண்பனுக்கு 40 வயதாகிறது. அவனுக்கு எப்போதும், எந்த விஷயத்துக்கும் கோபமே வருவதில்லை. யாராவது அவனை அவமானப்படுத்தினாலோ, காயப்படுத்தினாலோகூட கோபப்பட மாட்டான். நியாயமான விஷயங்களுக்குக்கூட கோபப்படாத அவனை எப்படிப் புரிந்துகொள்வது... அவனுக்கு மனநல சிகிச்சை தேவையா?  பதில் சொல்கிறார் சென்னையைச் சேர்ந்த, மனநல மருத்துவர் சுபா சார்லஸ் மனநல மருத்துவர் சுபா சார்லஸ் ஒவ்வொரு செயலுக்கும் ஓர் எதிர்வினை உண்டு என்பது இயற்கையின் நியதி. இது மனவியலுக்கும் பொருந்தும். எந்த உயிரினமும் ஜடம்போல இருத்தல் ஆகாது. சூழலுக்கேற்ப ரியாக்ட் செய்ய வேண்டும். அதுதான் அது உயிருள்ள படைப்பு என்பதற்கான அடையாளமும்கூட. உங்கள் நண்பர் எதற்கும் கோபப்பட மாட்டார் என்று தெரிந்து, அவரின் எதிராளி அவரிடம் இன்னும் சற்று கோபமாகப் பேசலாம், கத்தலாம். யாரையும் தொந்தரவு செய்யாமல் இருக்கும் ஓர் உயிரினத்தை நாம் வேண்டுமென்றே சீண்டினால் அது நம்மைத் தாக்க முயலும். ஐந்தறிவு ஜீவன்களுக்கும் இருக்கக்கூடிய இயற்கையான, இயல்பான குணம் அது. பாக்டீரியாவோ, வைரஸோகூட சூழலுக்கேற்ப, தன் வாழ்வாதாரத்துக்காகத் தன்னை மாற...

'எனர்ஜி ட்ரிங்க்' (Energy Drink) என்ற பெயரில் சந்தைப்படுத்தப்படும் பானங்களின் பிராண்டிங்கில் முக்கிய மாற்றத்தை ஏற்படுத்தும் வகையில், இந்திய உணவுப் பாதுகாப்பு மற்றும் தரநிர்ணய ஆணையம் (FSSAI), பெப்சிகோ, ரெட் புல், மான்ஸ்டர், கேம்பா, ஹெல் உள்ளிட்ட முன்னணி நிறுவனங்களுக்கு அதிரடி உத்தரவு பிறப்பித்துள்ளது.அதன்படி, தங்களது தயாரிப்புகளில் இடம்பெறும் "Energy Drink" என்ற வார்த்தையை அடுத்த 90 நாட்களுக்குள் முழுமையாக நீக்க வேண்டும். இதன் மூலம், லேபிள், பேக்கேஜிங், விளம்பரங்கள், இணைய விற்பனைத் தளங்கள் என அனைத்து இடங்களிலும் இதற்கான மாற்றங்களைச் செய்ய வேண்டும் என்று அறிவுறுத்தப்பட்டுள்ளது. இந்த உத்தரவு, பானங்களின் விற்பனைக்கு விதிக்கப்பட்ட தடை அல்ல. மாறாக, இந்திய உணவுப் பாதுகாப்பு விதிகளின்படி "Energy Drink" என்ற தனித்த உணவு வகைப்பாடு இல்லாத நிலையில், அந்தச் சொல்லைப் பயன்படுத்துவது நுகர்வோரைத் தவறாக வழிநடத்தும் என FSSAI கருதுகிறது. எனவே, இத்தகைய பானங்கள் இனி "காஃபின் கலந்த பானங்கள்" (Caffeinated Beverages) என்ற வகைப்பாட்டின் கீழ் மட்டுமே சந்தைப்படுத்தப்பட வேண்ட...

Doctor Vikatan: எனக்கு அடிக்கடி வாய்ப்புண் வருகிறது. சூடான உணவுகளைச் சாப்பிடவே முடிவதில்லை. இதற்கு என்ன காரணம்... வாய்ப்புண், புற்றுநோயாக மாற வாய்ப்பு உண்டா? பதில் சொல்கிறார் இங்கிலாந்தைச் சேர்ந்த குடும்பநல மருத்துவர் கே. பாஸ்கர்.     மருத்துவர் கே. பாஸ்கர் கையிலோ, காலிலோ புண் ஏற்பட்டால் அதற்கு மருந்து போட்டு, கட்டுபோட்டு ஆறும் வரை காத்திருக்கலாம். வாய்ப்புண்ணுக்கு அப்படிச் செய்ய முடியாது. சாப்பிடும்போதும் பேசும்போதும் வலிக்கும், மிகுந்த சிரமத்தைக் கொடுக்கும். ஆஃப்தஸ் அல்சர் (Aphthous ulcer) எனப்படும் சாதாரண வாய்ப்புண்கள்தான் 90 சதவிகிதம் பாதிப்பவை.  இத்தகைய சாதாரண வாய்ப்புண்கள் குழந்தைப்பருவத்திலேயேகூட தொடங்கலாம். 20 அல்லது 25 சதவிகித மக்களுக்கு நிச்சயமாக வருடத்திற்கு ஒரு முறையோ அல்லது இரண்டு முறையோ இது வரும். இந்தப் புண்கள் ஒன்று அல்லது இரண்டு வாரங்களுக்குள் தானாகவே சரியாகிவிடும். அரிதாகச் சிலருக்கு மட்டும் ஒரு செ.மீ அளவு பெரியதாகலாம். அந்தப் புண் ஆறுவதற்குச் சில வாரங்கள் அல்லது சில மாதங்கள்கூட எடுக்கலாம். சிலவகை டூத் பேஸ்ட...

Doctor Vikatan: என் 15 வயது மகளுக்கு தூக்கத்தில் பற்களை நறநறவெனக் கடிக்கும் வழக்கம் இருக்கிறது. இப்படிப் பற்களைக் கடிப்பதற்கு மன அழுத்தம் காரணமாக இருக்குமா... இது மனநல பாதிப்பின் அறிகுறியா? பதில் சொல்கிறார், சென்னையைச் சேர்ந்த உளவியல் மருத்துவர் நித்யா பிரதீப். உளவியல் மருத்துவர் நித்யா பிரதீப் தூக்கத்தில் பற்களைக் கடிக்கும் பிரச்னைக்கு 'ப்ரக்ஸிசம்' (Bruxism) என்று பெயர். அதற்குப் பல காரணங்கள் இருக்கலாம். மன அழுத்தமும் அவற்றில் ஒன்று.   பகல் நேரத்தில் வேலைகளில் பிஸியாக இருந்தாலும், இரவில் விழிப்புணர்வு இல்லாத (Subconscious) தூக்க நிலையில் மன அழுத்தம் காரணமாக பற்களைக் கடிக்கும் பழக்கம் ஏற்படலாம். பற்கள் அல்லது தாடை (Jaw) சார்ந்த பிரச்னைகள் இருப்பது,  தவறான தூக்க முறை அல்லது போதுமான அளவு தூக்கமின்மை (Poor Quality of Sleep), அதிகப்படியான புகைப்பழக்கம், மது அருந்துதல் மற்றும் அதிக அளவில் கஃபைன்  எடுத்துக்கொள்ளுதல் போன்றவையும் காரணங்களாக இருக்கலாம்.   உடல் பருமன் மற்றும் மூச்சு விடுவதில் சிரமம் உள்ளவர்களுக்கு  'அப்ஸ்ட்ரக்டிவ் ஸ்லீப் ஆப்னியா' (Obs...

Doctor Vikatan: எனக்கு  இதயத்துடிப்பு எப்போதும் 100-க்கு மேல்  உள்ளது. இசிஜி எடுத்துப் பார்த்தால் அதில் நார்மல் என்றே காட்டுகிறது.  பிளட் பிரஷர் 140 / 100 என உள்ளது. எனக்கு சர்க்கரைநோய் கிடையாது.  இந்நிலையிவ் இதயத்துடிப்பு குறித்து நான் கவலைப்பட வேண்டுமா? -உமா, விகடன் இணையத்திலிருந்து பதில் சொல்கிறார், சென்னையைச் சேர்ந்த பொது மருத்துவர் அருணாசலம் பொது மருத்துவர் அருணாசலம் இதயத்துடிப்பு ஒரு நிமிடத்திற்கு 60 முதல் 90 வரை மட்டுமே இருக்க வேண்டும். அதற்கு மேல் இருந்தால் அந்தப் பிரச்னையை  'சைனஸ் டாகிகார்டியா' (Sinus Tachycardia) எனப்படுகிறது. அதாவது இதயம் வழக்கத்தைவிட வேகமாகத் துடிக்கிறது என்று அர்த்தம். ஆமைகள் உலகிலேயே மிக நீண்ட காலம் வாழ்வதற்குச் சான்றாக, அவற்றின் இதயம் நிமிடத்திற்கு 16 முறை மட்டுமே துடிக்கிறது. யார் மன அமைதியோடும், மகிழ்ச்சியோடும், வாழ்க்கையில் 'போதும்' என்ற மனநிறைவோடும் இருக்கிறார்களோ, அவர்களுக்கு இதயத்துடிப்பின் அளவு குறைவாகவே இருக்கும். அதீத உற்சாகமாக, ஊக்கத்துடன் இயங்குபவர்கள், ஒரே நேரத்தில் பல வேலைகளைச் செய்யும் (Multitasking) ஆளுமை கொண்...

Doctor Vikatan: என் வயது 50.  பொதுவாகவே இந்த வயதுக்குப் பிறகு, குறிப்பாக பெண்களுக்கு எலும்புகள் பலவீனமாகும், எளிதில் உடையும் என்றெல்லாம் சொல்கிறார்கள். எலும்புகள் பலவீனமடைவதைத்  தடுக்க நான் என்னவெல்லாம் செய்ய வேண்டும்... என்ன மாதிரியான கால்சியம் உணவுகளைச் சாப்பிட வேண்டும்? பதில் சொல்கிறார், சென்னையைச் சேர்ந்த, எலும்பியல் மருத்துவரும் ரோபோடிக் அறுவை சிகிச்சை நிபுணருமான விஜய்கிஷோர் கொண்ட்ரெட்டி. எலும்பியல் மருத்துவரும் ரோபோடிக் அறுவை சிகிச்சை நிபுணருமான விஜய்கிஷோர் கொண்ட்ரெட்டி 50 வயதிற்குப் பிறகு எலும்புகளை ஆரோக்கியமாக வைத்துக்கொள்வது மிகவும் முக்கியமாகும். வெறும் நடைப்பயிற்சி மேற்கொள்வது அல்லது வேளை தவறாமல் சாப்பிடுவது மட்டுமே பலமான எலும்புகளைத் தந்துவிடாது. ஒட்டுமொத்த உடலையும் வலுப்படுத்த வேண்டியது அவசியமாகும். எலும்புகளை வலுப்படுத்த நீங்கள் உடற்பயிற்சி செய்ய வேண்டும். அதிலும் முக்கியமாக, வெயிட் டிரெய்னிங் (Weight Training) பயிற்சிகளைச் செய்ய வேண்டும். உடலின் மேல்பகுதி மற்றும் கீழ்ப்பகுதி (கால்கள்) ஆகிய இரண்டுக்கும் வெயிட் டிரெய்னிங் பயிற்சிகள் செய்வது மிகவும்...

Doctor Vikatan: என் 23 வயது மகளுக்கு விசித்திரமான பிரச்னை இருக்கிறது. எப்போதும், எதிலும் அதீத சுத்தம் எதிர்பார்க்கிறாள். எடுத்த பொருளை எடுத்த இடத்தில் வைக்காவிட்டால் டென்ஷன் ஆகிக் கத்துகிறாள். தன்னுடைய இந்தப் பிரச்னைக்கு ஓசிடி என்றொரு பெயரும் சொல்கிறாள். இது என்ன பிரச்னை... அதிலிருந்து அவளை மீட்க என்ன வழி? பதில் சொல்கிறார், சென்னையைச் சேர்ந்த உளவியல் மருத்துவர் நித்யா பிரதீப் நித்யா பிரதீப் உங்கள் மகளுக்கு இருப்பதாகச் சொல்லும் ஓசிடி (Obsessive Compulsive Disorder) பாதிப்பு, உளவியல்ரீதியான ஒன்றுதான். தீர்வுகளைப் பார்ப்பதற்கு முன் ஓசிடி என்றால் என்னவென்பதை நீங்கள் புரிந்துகொள்ளுங்கள்.  ஒருவர் வீட்டை மிகத் தூய்மையாகவும், அந்தந்தப் பொருள்கள் அந்தந்த இடத்தில் இருக்க வேண்டும் என நினைப்பதைப் பார்த்து, அவர்களுக்கு ஓசிடி இருப்பதாக நகைச்சுவையாகச் சொல்வது வழக்கமான ஒன்று. ஆனால், சுத்தமாக இருப்பது மட்டுமே ஓசிடி கிடையாது. மன உளைச்சலைத் தரும் (Distressing) ஓர் எண்ணம், மீண்டும் மீண்டும் (Repetitive) நம் மனதில் வந்துகொண்டே இருப்பதைக் குறிப்பது இது. அந்த எண்ணத்தை மனதிலிருந்து ப...

Doctor Vikatan: பற்களை வெண்மையாக்கும் 'டீத் வொயிட்டனிங்' (Teeth whitening) சிகிச்சை பாதுகாப்பானதா... மஞ்சள் நிறப் பற்கள் ஆரோக்கியமற்றவையா? ஒரு பல்லைப் பிடுங்கினால், அடுத்தடுத்த பற்கள் நகரும் என்பது உண்மையா? பதில் சொல்கிறார், சென்னையைச் சேர்ந்த பல் மருத்துவர் ஜியோநாத் இமானுவேல் பல் மருத்துவர் ஜியோநாத் இமானுவேல் படங்களையும் விளம்பரங்களையும் பார்த்து பலரும் வெள்ளை நிற பளிச் பற்களுக்கு ஆசைப்படுகிறார்கள். அதுதான் ஆரோக்கியமானது என்றும் நினைக்கிறார்கள். உண்மையில், ஆரோக்கியமான பற்கள் இயற்கையிலேயே தூய வெள்ளை நிறத்தில் இருக்காது, அவை ஆஃப்-ஒயிட் (Off-white) அல்லது லேசான மஞ்சள் நிறத்தில்தான் இருக்கும். குறிப்பாக இந்திய மக்களிடையே இப்படி இருப்பது மிகவும் சகஜம். பல்லின் உட்புற அடுக்கான 'டென்டின்' (Dentin) மஞ்சள் நிறத்தில் இருக்கும், அது ஒளி ஊடுருவக்கூடிய தெளிவான எனாமலின் வழியாக வெளியே தெரிகிறது. பல் மருத்துவரின் மேற்பார்வையில் எப்போதாவது ஒருமுறை பற்களை வெண்மையாக்கும் சிகிச்சையை மேற்கொள்வது முற்றிலும் பாதுகாப்பானது. ஆனால், வீட்டிலேயே பற்களை வெண்மையாக்கும் முறைகள் (Home whitening syst...

Doctor Vikatan: என் ரத்தப் பரிசோதனையில் கிரியாட்டினின் (Creatinine) அளவு 1.8 ஆக உள்ளதாகத் தெரிய வந்துள்ளது. இதனால் ஏற்படும் கிட்னி செயலிழப்பைத் தடுக்க நான் உணவில் என்ன மாற்றங்களைச் செய்ய வேண்டும்... பழங்களைத் தவிர்க்க வேண்டுமா? பதில் சொல்கிறார், சென்னையைச் சேர்ந்த, சிறுநீரகச் சிறப்பு மருத்துவர் நித்யா நந்தகோபால். சிறுநீரகச் சிறப்பு மருத்துவர் நித்யா நந்தகோபால் உங்களின் கிரியாட்டினின் (Creatinine) அளவு 1.8 ஆக இருக்கும்போது, அது ரிவர்ஸ் செய்யக் கூடியதாகவோ (Reversible) அல்லது ரிவர்ஸ் செய்ய முடியாததாகவோ (Irreversible) இருக்கலாம். ஒருவேளை கிரியாட்டினின் அதிகரித்தது  ரிவர்ஸ் செய்ய முடியாதது எனப் பரிசோதனையில் தெரிய வந்தால், உங்களுக்கு சி.கே.டி (CKD - Chronic Kidney Disease) எனும் நோய் இருப்பதாகக் கண்டறியப்படும். சி.கே.டி என்பது சிறுநீரகச் செயல்பாட்டில் ஏற்படும் நிரந்தரமான, மெதுவான மற்றும் படிப்படியான இழப்பைக் குறிக்கும். இந்தச் சூழலில், நீங்கள் சில உணவுப்பழக்கக் கட்டுப்பாடுகளைப் பின்பற்ற வேண்டியது அவசியமாகும். அதில் முதலிடம் உப்புக் கட்டுப்பாடு (Salt Restriction). உப்பு என்பது...

Doctor Vikatan: பல் மருத்துவர்களை அணுகினால், அடிக்கடி பற்களைச் சுத்தம் செய்யும் ஸ்கேலிங் சிகிச்சையைச் செய்துகொள்ள வேண்டும் என்கிறார்கள்.   ஸ்கேலிங் சிகிச்சை செய்தால் பற்கள் ஆட்டம் காணுமா, பற்களின் எனாமலை பாதிக்குமா... அதேபோல நாக்கில் சுரண்டி எடுக்க முடியாத வெள்ளை நிறப் படிவம் இருப்பது ஏன்... அதற்கு என்ன தீர்வு?  பதில் சொல்கிறார், சென்னையைச் சேர்ந்த, பல் மருத்துவர் கிருப்நாத் பல் மருத்துவர் கிருப்நாத் பற்களை அடிக்கடி சுத்தம் செய்ய வேண்டியது மிகவும் முக்கியம். ஸ்கேலிங் (Scaling) முறையில் பல் மருத்துவர்கள் பற்களை முறையாகச் சுத்தம் செய்வார்கள். காரை படிந்த, முறையாகப் பராமரிக்கப்படாத, சுத்தமாக இல்லாத பற்கள்தான் ஆரோக்கியம் இழக்கும், ஆட்டம் காணும். ஸ்கேலிங் சிகிச்சை பற்களின் ஆரோக்கியத்தை மேம்படுத்தவே செய்யும். ஸ்கேலிங் முறையில் பற்களில் உள்ள கடினமான காரைகளை (Tartar) நீக்குவதற்கு, ஆபத்தற்ற அல்ட்ராசோனிக் அதிர்வுகள் (Ultrasonic vibrations) மற்றும் தண்ணீர் பயன்படுத்தப்படுகின்றன. மனித உடலிலேயே மிகக் கடினமான பகுதியான உங்கள் எனாமலை வெட்டும் அளவுக்கு அவை சக்தி வாய்ந்தவை அல்ல. பற்களைச் ...