Skip to main content

Health: அரிசிக்கு பதில் காலிஃப்ளவர் ரைஸ்; எடை குறைய உதவுமா?

காலிஃப்ளவரை மிக்ஸியில் உதிர் உதிராக பொடித்து, அதை ஆவியில் வேக வைத்து குழம்பு, சைட் டிஷ்ஷாக இன்னும் சில காய்கறிகள் வைத்து சாப்பிட்டால் உடல் பருமன் குறையும் என்கிற நம்பிக்கை, டயட் விரும்பிகளிடம் இருக்கிறது. அது உண்மைதானா, அது உண்மையென்றால் காரணம் என்ன என டயட்டீஷியன் தாரிணி கிருஷ்ணன் அவர்களிடம் கேட்டோம்.

Cauliflower

''உடல் பருமன் பிரச்னை இருப்பவர்கள், தங்கள் டயட்டில் அரிசிக்குப்பதிலாக காலிஃப்ளவரை அவித்து சாப்பிடுகிறார்கள். 100 கிராம் காலிஃப்ளவரில் மொத்தமே 25 கலோரிதான் இருக்கிறது. 3 கிராம் கொழுப்பு, 5 கிராம் மாவுச்சத்து, 1.9 கிராம் புரதம் என்று இருப்பதால், வெயிட் லாஸ் செய்பவர்களுக்கும் ஏற்றது, நீரிழிவு இருப்பவர்களுக்கும் ஏற்றது. இதில் வைட்டமின் சி, கே, பி, கால்சியம், பொட்டாசியம், மெக்னீஷியம், ஃபோலேட்டின், கோலின் என்று எக்க்கச்சக்க சத்துக்கள் இருக்கின்றன.

சுற்றுச்சுழலில் இருக்கிற மாசுபாடும், உணவுப்பொருள்களில் இருக்கிற பூச்சிக்கொல்லி மருந்தும் நம் உடலில் ஆக்சிடேஷனை அதிகரிக்கும். ஆக்சிஜனைக் குறிக்கும் O 2-வில் ஒரு எலெக்ட்ரான் சேர்வதைத்தான் இப்படிக் குறிப்பிடுக்கிறார்கள். இதனால், உடலில் திசுக்களில் மாற்றம் நிகழும். இதை காலிஃப்ளவர் குறைக்கும்.

தாரிணி கிருஷ்ணன்

மூச்சுக்குழல் தொடர்பான பிரச்னைகள் வராமல் தடுக்கும்.

இதில் இருக்கிற வைட்டமின் கே ரத்த ஓட்டம் சீராக இருக்க உதவி செய்யும்.

காலிஃப்ளவரில் இருக்கிற என்சைம், கேன்சரை வராமல் தடுக்கும். வருகிற வாய்ப்பு இருப்பவர்களுக்கு அதை தள்ளிப்போடும்.

வயிற்றில் அல்சரை ஏற்படுத்தும் ஹெலிகோபாக்டர் பைலோரி (எச்.பைலோரி) என்கிற பாக்டீரியாவின் வளர்ச்சியைக் குறைக்கும்.

இதில் நார்ச்சத்து அதிகமிருப்பதால், பெருங்குடலில் வரக்கூடிய புற்றுநோயை தடுக்கும்.

வயது காரணமாக ஏற்படுகிற எலும்பு அடர்த்தி இழப்பை தடுக்கும். எலும்புகளில் கொலாஜின் சேர உதவுவதால், மூட்டுவலி வராது.

காலிஃப்ளவர் ரைஸ் உடல் எடையைக் குறைக்கும், நீரிழிவைக் கட்டுக்குள் வைக்கும் என்றாலும், இதிலிருக்கிற அதிகப்படியான நார்ச்சத்து சிலருக்கு செரிமானத்தில் பிரச்னை ஏற்படுத்தும்.
காலிஃப்ளவர் ரோஸ்ட்

காலிஃப்ளவர் மூளையில் வீக்கம் வராமல் தடுப்பதால், வயது காரணமாக வருகிற அல்சைமர், பார்க்கின்சன் போன்ற பிரச்னைகளைத் தள்ளிப்போடும்.

இதில் உள்ள ஆன்டிஆக்ஸிடன்ட்​,​ கொழுப்பைக் குறைப்பதோடு​,​ நோய் எதிர்ப்புச் சக்தியையும் அதிகரிக்கும்.​

யார் காலிஃப்ளவர் சாப்பிடக்கூடாது?

இதயப் பிரச்னைக்கான `பிளட் தின்னர்' மாத்திரை சாப்பிடுபவர்கள் காலிஃப்ளவர் சாப்பிடக்கூடாது. தைராய்டு பிரச்னைகள் இருப்பவர்கள் அளவோடு சாப்பிடலாம்.

cauliflower rice

காலிஃப்ளவர் ரைஸ் பக்க விளைவுகள் ஏற்படுத்துமா?

காலிஃப்ளவர் ரைஸ் உடல் எடையைக் குறைக்கும், நீரிழிவைக் கட்டுக்குள் வைக்கும் என்றாலும், இதிலிருக்கிற அதிகப்படியான நார்ச்சத்து சிலருக்கு செரிமானத்தில் பிரச்னை ஏற்படுத்தும்.

உடலில் யூரிக் ஆசிட் அளவு அதிகமாக இருப்பவர்கள் காலிஃப்ளவரை சாப்பிட்டால், இதில் இருக்கிற பியூரின் அதை இன்னும் அதிகப்படுத்திவிடலாம். இதனால், சிறுநீரகக்கல் மற்றும் மூட்டுகளில் வீக்கத்தை ஏற்படுத்தும் கவுட் ஆர்த்ரைட்டீஸ் போன்ற பிரச்னைகள் வரலாம்'' என்கிறார், டயட்டீஷியன் தாரிணி கிருஷ்ணன்.


Labels

Labels:

Comments

Post a Comment

Popular posts from this blog

Doctor Vikatan: ஒருமுறை heart attack வந்தவர்கள் மீண்டும் வராமல் தடுக்க முடியுமா?

Doctor Vikatan: என் நண்பனுக்கு 52 வயதாகிறது. சமீபத்தில் அவனுக்கு ஹார்ட் அட்டாக் (heart attack) வந்து அதிலிருந்து மீண்டான். ஒருமுறை ஹார்ட் அட்டாக் வந்தால், அது மீண்டும் வருமா.... அப்படி வராமலிருக்க என்னவெல்லாம் செய்ய வேண்டும்? பதில் சொல்கிறார் சென்னையைச் சேர்ந்த, இதயநோய் மருத்துவர் அருண் கல்யாணசுந்தரம். மருத்துவர் அருண் கல்யாணசுந்தரம் ஒருமுறை ஹார்ட் அட்டாக் (heart attack) வந்த எல்லோருக்கும் அது மீண்டும் வந்துதான் ஆக வேண்டும் என்பதில்லை. உங்கள் நண்பரை, மருத்துவர்களுடன் தொடர்பில் இருக்கச் சொல்லுங்கள். உடல்நலம் குறித்துப் பேசும்படியான சப்போர்ட் க்ரூப் அவருக்கு மிக அவசியம். ஹார்ட் அட்டாக் வந்தவர்கள் மட்டுமல்ல, இதய நோய் வரும் ரிஸ்க் பிரிவில் உள்ள எல்லோருமே வாழ்வியல் மாற்றங்களைப் பின்பற்றியே ஆக வேண்டும். உங்கள் நண்பருக்கு மருத்துவர் இது குறித்து நிச்சயம் அறிவுறுத்தியிருப்பார். இதுவரை, அவர் அந்த விஷயங்களைப் பின்பற்றவில்லை என்றாலும், இனிமேலாவது அவசியம் பின்பற்றியே ஆக வேண்டும். அந்த வகையில் உடற்பயிற்சியும் உணவுக்கட்டுப்பாடும் மிகவும் முக்கியம். உடற்பயிற்சி Doctor Vik...
Post a Comment
Read more

Zhong yang: அதிகாரிகளுடன் முறையற்ற உறவு; முன்னாள் ஆளுநருக்கு 13 ஆண்டுகள் சிறை; பின்னணி என்ன?

சீனாவைச் சேர்ந்த ஜாங் யாங் (Zhong Yang) குக்கு 13 ஆண்டுகள் சிறைத் தண்டனையும், ஒரு மில்லியன் யுவான் (சுமார் ₹1.18 கோடி) அபராதமும் விதித்து சீன நீதிமன்றம் உத்தரவிட்டிருக்கிறது. இவர் ஆளுநராக இருந்தவர். தோற்றம் மற்றும் உடை அலங்காரத்தால் எப்போதும் இளமையாகக் காட்சியளிக்கும் 52 வயதான ஜாங் யாங், மக்களால் 'மிக அழகான ஆளுநர்' எனப் புகழப்படுகிறார். சாதாரணக் குடும்பப் பின்னணியைச் சேர்ந்த இவர், 22 வயதில் கம்யூனிஸ்ட் கட்சியில் இணைந்து செயல்படத் தொடங்கினார்.ஜாங் யாங் தொடர்ந்து அரசியலிலும், பதவிகளிலும் முன்னேறி வந்த இவர் மீது, தனியார் தொழில்துறை நிறுவனங்களுடன் தொழில்முறை ஒப்பந்தங்களில் முறைகேடு செய்ததாக வழக்குத் தொடரப்பட்டது. மேலும், அவருக்குக் கீழ் பணிபுரியும் துணை அதிகாரிகள் 58 பேருடன் முறையற்ற உறவிலிருந்ததாகவும் புகார் அளிக்கப்பட்டது. இதில், சிலர் அவரிடமிருந்து பலனை எதிர்பார்த்தும், பலர் அவரின் அதிகார துஷ்பிரயோகத்துக்குப் பயந்து இதில் ஈடுபட்டுள்ளனர். இவர் குறிவைக்கும் துணை நிலை அதிகாரிகளை, அலுவலகத்தில் அதிக நேரம் வேலை செய்யவைப்பதின் மூலமும், தொழில்முறைப் பயணங்கள் என்ற போர்வையிலும் கட்டாய...
Post a Comment
Read more

மரபணு சிகிச்சையில் செவித்திறன் பெற்ற சிறுமி - அனைத்து பரம்பரை நோய்களுக்கும் தீர்வு கிடைக்குமா?

நம் உடல், பல கோடான கோடி செல்களால் ஆனது. இந்தச் செல்களில் சுமார் 22 ஆயிரம் மரபணுக்கள் உள்ளன. பெரும்பாலான செல்களில் உட்கரு உண்டு. இங்குதான் DNA மூலக்கூறுகள் உள்ளன. இந்த DNA மூலக்கூறுகள்தான் இந்த மரபணுத் தகவல்களைச் சுமந்து கொண்டு உள்ளன. இந்த மரபணுக்களின் இயக்கம்தான், நம் இயக்கம். உதாரணமாக, நம் உமிழ் நீரில் அமைலேஸ் என்ற ஒரு நொதி உள்ளது. இந்த நொதிதான் நம் உணவில் உள்ள மாவுப் பொருளைச் சிதைத்து குளுக்கோஸை உற்பத்தி செய்கிறது. இந்த நொதியை உற்பத்தி செய்யத் தேவையான தகவல், AMY1 என்ற மரபணுவில் உள்ளது. இந்த மரபணுவில் உள்ள தகவலின் படிதான் அமைலேஸ் என்ற ஒரு நொதி தயாரிக்கப்படுகிறது. அதாவது, AMY1 என்ற மரபணுவில் ஏதாவது தவறு இருந்தால், அமைலேஸ் என்ற ஒரு நொதி செயலிழக்கும். இந்த நிலையில் உள்ள மரபணு நோயாளி, உணவு சாப்பிட்டால் அவருக்குச் செரிமானமாகாது. மரபணு அதிகரிக்கும் உணவுத் தேவை: தொழில்நுட்பத்தில் தயாராகும் செயற்கை மீன், இறைச்சி... உடலுக்கு நல்லதா..? மரபணுவில் உள்ள தகவலில் தவறு இருந்தால், மரபணு நோய் ஏற்படும். இதனைப் பரம்பரை நோய் எனலாம். காரணம், இந்த நோய் பெற்றோர்கள்/மூதாதையர்களிடமிருந்து பிள்ளைகளுக்கு ...
Post a Comment
Read more