Skip to main content

Good Fat: `உடம்புல நல்ல கொழுப்பு அதிகமாகணுமா?’ சிம்பிள், இதையெல்லாம் செய்யுங்க..!

கொழுப்புச்சத்து என்றதும், `ஐயய்யோ! அது உடலுக்குக் கெட்டது ஆச்சே’ என்பவர்கள்தான் இங்கே அதிகம். ஆனால், இது முழு உண்மை அல்ல என்கிற டயட்டீஷியன் பாலபிரசன்னா அதுபற்றி விளக்கமாக பேசுகிறார்.

''கொழுப்பு, நம் உடலில் அவசியம் இருக்கவேண்டியவற்றில் ஒன்று. இதில், எல்.டி.எல், (Low density lipoproteins ((L.D.L)), ஹெச்.டி.எல் (High density lipoproteins (H.D.L)) என இரண்டு வகை உள்ளன. ஹெச்.டி.எல் கொழுப்பை, `நல்ல கொழுப்பு’ என்பார்கள். இது, போதுமான அளவு இருந்தால்தான் நம் உடல் இயக்கம் இயல்பாக இருக்கும்.

நம் உடலில் இருக்கும் தண்ணீரால், கொழுப்பை ஒவ்வொரு பாகத்தில் உள்ள திசுக்களுக்கும் கொண்டுசேர்க்க முடியாது. கொழுப்பின் அடர்த்தி அதிகம் என்பதால், இவற்றால் தண்ணீரில் கரைய முடியாது. லிப்போபுரோடின்கள் கொழுப்பைத் தேவையான அளவு கரைத்து, செல்லில் சேர்க்கும் பணியைச் செய்கின்றன. நம் உடலில், லோ டெண்சிட்டி (அடர்த்தி குறைந்தவை), வெரி லோ டெண்சிட்டி (மிகவும் அடர்த்தி குறைந்தவை), ஹை டெண்சிட்டி (அதிக அடர்த்தி உடையவை) என மூன்று வகை லிப்போபுரோட்டின்கள் உள்ளன.

Good Fat Foods

எல்.டி.எல் கொழுப்பு, ரத்தக்குழாய்களில் படிவமாகப் படிந்து, அதில் அடைப்பை ஏற்படுத்தும். இதனால், ரத்த ஓட்டம் தடைப்பட்டு மாரடைப்பு ஏற்படக்கூடும். ஆனால், ஹெச்.டி.எல் எனும் நல்ல கொழுப்பு, ரத்தக்குழாயில் உள்ள கொழுப்புகளைத் தேங்காமல் பார்த்துக்கொள்ளும். அவற்றை எடுத்துச் சென்று கல்லீரலில் சேர்த்து விடும். ரத்தக்குழாய்களில் அடைப்பைத் தவிர்க்க முயற்சிக்கும். இதனால், இந்தக் கொழுப்பை `இதயத்தின் நண்பன்’ எனலாம்.

ஹெச்.டி.எல் கொழுப்பு அதிகரிக்க, நீச்சல், சைக்கிளிங், ஓடுவது, ஜாகிங், நடப்பது போன்ற கார்டியாக் பயிற்சிகள் அனைத்துமே நல்ல பலன் கொடுக்கும்.

ஏரோபிக் பயிற்சி, நடனம் போன்றவையும் உடலில் நல்ல கொழுப்பை மேம்படுத்தும்.

தினமும் 30 நிமிடங்கள் என, வாரத்துக்கு ஐந்து நாட்கள் இந்தப் பயிற்சிகளைச் செய்தாலே ஐந்து சதவிகித ஹெச்.டி.எல் பெருக்கத்தை எதிர்பார்க்கலாம்.

புகைபிடிப்பவர்கள், அந்தப் பழக்கத்தைக் கைவிட்டாலே, 10 சதவிகித ஹெச்.டி.எல் பெருக்கம் ஏற்படும்.

Exercise

சரிவிகித உணவில், நாம் சாப்பிடும் உணவில் இருந்து, 25 முதல் 35 கலோரிகள் வரை கொழுப்புகளில் இருந்துதான் வரும். ஆனால், அதில் கெட்ட கொழுப்பை அதிகரிக்கும் சாச்சுரேட்டட் கொழுப்புகளின் அளவு, ஏழு கலோரிகளுக்கு மேல் இல்லாமல் பார்த்துக்கொள்ள வேண்டியது நம் பொறுப்பு.

எவ்வளவுக்கு எவ்வளவு உடலில் நல்ல கொழுப்பு அதிகமாக இருக்கிறதோ, அந்த அளவுக்குக் ரத்தத்தில் கெட்ட கொழுப்புகள் குறைவாக இருக்கும்.

இதற்கு முதல் படியாக, சுத்திகரிக்கப்பட்ட உணவுப் பொருட்களைத் தவிர்த்து, முழுதானிய வகைகளை உட்கொள்ளத் தொடங்கலாம்.

அதிக எடை கொண்டவராக இருந்தால், அதைக் குறைக்க முயற்சிகள் செய்வது நல்லது. 2.7 கிலோ குறைந்தால், ஹெச்.டி.எல் 1 மில்லி கிராம்/டெசி லிட்டர் கூடும். ஒரே கல்லில் இரண்டு மாங்காய் என்பதைப்போல், எடையும் குறையும்; நல்ல கொழுப்பும் அதிகரிக்கும்.

Nuts

எந்தெந்த உணவுகளில் நல்ல கொழுப்பு அதிகம் இருக்கிறது தெரியுமா?

பாதாம், அக்ரூட், பிஸ்தா, முந்திரி, வால்நட் போன்ற நட்ஸ்கள், அவகேடோ, பார்லி, கோதுமை போன்ற முழுதானியங்கள், பச்சைப் பயறு, சோயா போன்ற பயறு வகைகள், 'அவுரி நெல்லி’ எனப்படும் புளூபெர்ரி, யோகர்ட், டார்க் சாக்லேட்ஸ், மீன், ஆளிவிதை, தக்காளி, ஆப்பிள்...

நல்ல கொழுப்பை நிறைய உணவில் சேர்த்துக்கொள்ளுங்கள். ஆரோக்கியமாக, நீண்ட நாள் வாழுங்கள்'' என்கிறார் டயட்டீஷியன் பாலபிரசன்னா.


Labels

Labels:

Comments

Post a Comment

Popular posts from this blog

Zhong yang: அதிகாரிகளுடன் முறையற்ற உறவு; முன்னாள் ஆளுநருக்கு 13 ஆண்டுகள் சிறை; பின்னணி என்ன?

சீனாவைச் சேர்ந்த ஜாங் யாங் (Zhong Yang) குக்கு 13 ஆண்டுகள் சிறைத் தண்டனையும், ஒரு மில்லியன் யுவான் (சுமார் ₹1.18 கோடி) அபராதமும் விதித்து சீன நீதிமன்றம் உத்தரவிட்டிருக்கிறது. இவர் ஆளுநராக இருந்தவர். தோற்றம் மற்றும் உடை அலங்காரத்தால் எப்போதும் இளமையாகக் காட்சியளிக்கும் 52 வயதான ஜாங் யாங், மக்களால் 'மிக அழகான ஆளுநர்' எனப் புகழப்படுகிறார். சாதாரணக் குடும்பப் பின்னணியைச் சேர்ந்த இவர், 22 வயதில் கம்யூனிஸ்ட் கட்சியில் இணைந்து செயல்படத் தொடங்கினார்.ஜாங் யாங் தொடர்ந்து அரசியலிலும், பதவிகளிலும் முன்னேறி வந்த இவர் மீது, தனியார் தொழில்துறை நிறுவனங்களுடன் தொழில்முறை ஒப்பந்தங்களில் முறைகேடு செய்ததாக வழக்குத் தொடரப்பட்டது. மேலும், அவருக்குக் கீழ் பணிபுரியும் துணை அதிகாரிகள் 58 பேருடன் முறையற்ற உறவிலிருந்ததாகவும் புகார் அளிக்கப்பட்டது. இதில், சிலர் அவரிடமிருந்து பலனை எதிர்பார்த்தும், பலர் அவரின் அதிகார துஷ்பிரயோகத்துக்குப் பயந்து இதில் ஈடுபட்டுள்ளனர். இவர் குறிவைக்கும் துணை நிலை அதிகாரிகளை, அலுவலகத்தில் அதிக நேரம் வேலை செய்யவைப்பதின் மூலமும், தொழில்முறைப் பயணங்கள் என்ற போர்வையிலும் கட்டாய...
Post a Comment
Read more

Doctor Vikatan: ஒருமுறை heart attack வந்தவர்கள் மீண்டும் வராமல் தடுக்க முடியுமா?

Doctor Vikatan: என் நண்பனுக்கு 52 வயதாகிறது. சமீபத்தில் அவனுக்கு ஹார்ட் அட்டாக் (heart attack) வந்து அதிலிருந்து மீண்டான். ஒருமுறை ஹார்ட் அட்டாக் வந்தால், அது மீண்டும் வருமா.... அப்படி வராமலிருக்க என்னவெல்லாம் செய்ய வேண்டும்? பதில் சொல்கிறார் சென்னையைச் சேர்ந்த, இதயநோய் மருத்துவர் அருண் கல்யாணசுந்தரம். மருத்துவர் அருண் கல்யாணசுந்தரம் ஒருமுறை ஹார்ட் அட்டாக் (heart attack) வந்த எல்லோருக்கும் அது மீண்டும் வந்துதான் ஆக வேண்டும் என்பதில்லை. உங்கள் நண்பரை, மருத்துவர்களுடன் தொடர்பில் இருக்கச் சொல்லுங்கள். உடல்நலம் குறித்துப் பேசும்படியான சப்போர்ட் க்ரூப் அவருக்கு மிக அவசியம். ஹார்ட் அட்டாக் வந்தவர்கள் மட்டுமல்ல, இதய நோய் வரும் ரிஸ்க் பிரிவில் உள்ள எல்லோருமே வாழ்வியல் மாற்றங்களைப் பின்பற்றியே ஆக வேண்டும். உங்கள் நண்பருக்கு மருத்துவர் இது குறித்து நிச்சயம் அறிவுறுத்தியிருப்பார். இதுவரை, அவர் அந்த விஷயங்களைப் பின்பற்றவில்லை என்றாலும், இனிமேலாவது அவசியம் பின்பற்றியே ஆக வேண்டும். அந்த வகையில் உடற்பயிற்சியும் உணவுக்கட்டுப்பாடும் மிகவும் முக்கியம். உடற்பயிற்சி Doctor Vik...
Post a Comment
Read more

Doctor Vikatan: நாள்பட்ட இருமல், கூடவே சிறுநீர்க்கசிவும், காதில் ஒலிக்கும் சத்தமும்... என்ன பிரச்னை?

Doctor Vikatan: என் வயது 50. எனக்கு நாள்பட்ட இருமல் இருக்கிறது. மருத்துவரின் ஆலோசனைப்படி மருந்து எடுத்துக் கொண்டு இருக்கிறேன். இருமினால் சிறுநீர்க் கசிவு ஏற்படுகிறது. காதில் சில நேரங்களில் அலை அடிப்பது போல் சத்தம் கேட்கிறது. இதற்கெல்லாம் என்ன சிகிச்சை எடுக்க வேண்டும்? - Jayarani, விகடன் இணையத்திலிருந்து பதில் சொல்கிறார் சென்னையைச் சேர்ந்த பொது மருத்துவர் அருணாசலம். பொது மருத்துவர் அருணாசலம் உங்கள் விஷயத்தில் இருமலைக் கட்டுப்படுத்த முதலில் சிகிச்சை மேற்கொள்ள வேண்டும். இரண்டு வாரங்களுக்கு மேல் தொடரும் இருமல், காசநோயின் அறிகுறியாகவும் இருக்கக்கூடும். நிறைய பேர் அது தெரியாமல் இருமல் மருந்தைக் குடித்துக் குடித்து அதைக் கட்டுப்பாட்டில் வைக்க முயல்கிறார்கள். இது தவறு. இருமலுக்கான காரணம் தெரிந்து சிகிச்சை எடுப்பதுதான் சரியானது. இருமலில் வறட்டு இருமல், சளியுடன் கூடிய இருமல், ஆஸ்துமா இருமல் என மூன்று வகை உண்டு. வறட்டு இருமல் என்பது ஒருவித பாக்டீரியாவால் வருவது. ஒவ்வொரு முறை இருமும்போதும் சளியும் சேர்ந்து வருவது, சளி இருமல். மூன்றாவது ஆஸ்துமாவினால், வீஸிங்கால் வருவது. அதாவது காற்றுப்பாதை ச...
Post a Comment
Read more