``புற்றுநோயிலிருந்து மீண்டு வர கவனம் செலுத்துகிறேன்" பிரிட்டன் இளவரசி கேட்! | Kate Middleton

Kate Middleton reveals she has cancer:

"தற்போது நான் நலமாக இருக்கிறேன். இதிலிருந்து மீண்டு வர உதவும் விஷயங்களில் கவனம் செலுத்தி வருகிறேன். ஒவ்வொரு நாளும் மனதளவிலும் உடல் அளவிலும் வலுவாக உள்ளேன்" என்று தன்னை பற்றிய வதந்திகளுக்கு முற்றுப்புள்ளி வைக்கும் வகையில் விடியோ பதிவு ஒன்றை வெளியிட்டுள்ளார் பிரிட்டன் இளவரசி கேட் மிடில்டன்.

இளவரசர் வில்லியம் மற்றும் கேட் மிடில்டன்!

ஆயிரங்கள் முதல் லட்சங்களில் விலை, ஆரி வொர்க் பிளவுஸ்கள் - மதுரை சுஜாதாவின் ஏறுமுகம்! #HerBusiness-6

பிரிட்டன் அரச குடும்பத்தைச் சேர்ந்த வேல்ஸ் இளவரசர் வில்லியமுக்கும் கேட் மிடில்டனுக்கும் 2011-ம் ஆண்டு லண்டனில் உள்ள வெஸ்ட்மின்ஸ்டரில் கோலாகலமாகத் திருமணம் நடந்தது. பிரிட்டன் மன்னர் சார்லஸுக்கு புரோஸ்டேட் புற்றுநோய் பாதிப்பு உள்ளதால், அரச பணிகளை தற்போது இளவரசர் வில்லியம்ஸ் கவனித்து வருகிறார். வில்லியம்ஸ் கேட் மிடில்டன் தம்பதிக்கு 3 குழந்தைகள் உள்ளனர்.

இந்நிலையில் கடந்த மாதம் கேட் மிடில்டனை காணவில்லை என இங்கிலாந்தில் பெரிய பரபரப்பு கிளம்பியது. கேட், ஜனவரி மாதம் முதல் உடல்நலக் குறைவால் பாதிக்கப்பட்டிருந்தார். இதையடுத்து அவர் லண்டன் மருத்துவமனையில் அனுமதிக்கப்பட்டிருந்தார். அவருக்கு வயிற்றுப் பகுதியில் அறுவை சிகிச்சை மேற்கொள்ளப்பட்டதாக அரண்மனை தரப்பு செய்தி வெளியிட்டது.

cancer disease

`முட்டி தேய்ஞ்ச காலத்துல இதெல்லாம் தேவையா..?!’ - பதில் இதுதான் | ரொமான்ஸ் ரகசியங்கள்-5

அந்தச் செய்திக் குறிப்பில் ``இளவரசி கேட்டுக்கு அறுவை சிகிச்சை நல்லபடியாக முடிந்தது. ஈஸ்டர் பண்டிகை வரை அரச கடமைகளைச் செய்ய மாட்டார். அவருக்கு ஓய்வு தேவை" என்று அந்தக் குறிப்பில் தெரிவிக்கப்பட்டிருந்தது. இந்நிலையில், அவரது உடல்நிலை மோசமாகிவிட்டதாகவும், அவர் கோமாவுக்கு சென்றுவிட்டார் என்றும் வதந்திகள் கிளம்பி பெரும் பரபரப்பை ஏற்படுத்தின.

Kate Middleton பற்றிய சர்ச்சை தொடர்ந்து நிலவி வந்த நிலையில், அதற்கு முடிவு கட்டும் வகையில் வீடியோ ஒன்றை கேட் வெளியிட்டிருந்தார். அதில் அவர் ``எனக்கு கீமோதெரபி சிகிச்சை மேற்கொள்ளப்பட்டு வருகிறது. தற்போது நான் புற்றுநோய்க்கான ஆரம்பகட்ட சிகிச்சையில் இருக்கிறேன். எங்கள் குடும்ப நலன் கருதி நாங்கள் இந்த விவரங்களை வெளியே சொல்லாமல் இருந்தோம்.

Kate with Harry

இஸ்ரோ தலைவர் சோம்நாத்துக்கு புற்றுநோய்... ஆதித்யா எல் 1 செலுத்தப்பட்ட நாளில் வெளியான ரிப்போர்ட்..!

புற்றுநோய் பாதிப்பு எனத் தெரிந்தவுடன் எனக்கும் வில்லியம்ஸுக்கும் அதிர்ச்சியாக இருந்தது. இதைத் தொடர்ந்து அறுவை சிகிச்சை செய்யப்பட்டது. அதிலிருந்து மீண்டு வர எனக்கு சில காலம் பிடித்தது. தற்போது நான் நலமாக இருக்கிறேன். இதிலிருந்து மீண்டு வர உதவும் விஷயங்களில் நான் கவனம் செலுத்தி வருகிறேன். ஒவ்வொரு நாளும் மனதளவிலும் உடல் அளவிலும் வலுவாக உணர்கிறேன்" என்று அதில் தெரிவித்துள்ளார். தற்போது கேட் மிடில்டனுக்கு 42 வயது ஆகிறது.