Skip to main content

Doctor Vikatan: எடையைக் குறைத்ததால் ஏற்பட்ட ஸ்ட்ரெச் மார்க்ஸ்... நிரந்தரமாக நீக்க வாய்ப்பு உண்டா?

Doctor Vikatan: எனக்கு பிரசவமாகி 5 வருடங்களாகின்றன. இன்னும் பிரசவமான தழும்புகள் வயிற்றில் மறையாமல் இருக்கின்றன. அவற்றை நிரந்தரமாக நீக்க முடியுமா....? என்னுடைய தங்கைக்கு உடல் எடை குறைத்ததன் விளைவாக தோள்பட்டை, முதுகு போன்ற பகுதிகளில் தழும்புகள் இருக்கின்றன. அதையும் நீக்க முடியுமா?

பதில் சொல்கிறார் கோயம்புத்தூரைச் சேர்ந்த மகப்பேறு மருத்துவரும் அழகியல்  மருத்துவருமான நித்யா ரங்கநாதன்

மகப்பேறு மருத்துவரும் அழகியல் மருத்துவருமான நித்யா ரங்கநாதன்

முதலில் ஸ்ட்ரெச் மார்க் எனப்படும் தழும்புகள் ஏன் ஏற்படுகின்றன என புரிந்துகொள்ளுங்கள். சருமமானது அளவுக்கு அதிகமாக விரிவடைவதால், அதன் எலாஸ்டிசிட்டி போய், தசைநார்கள் உடைவதாலேயே ஸ்ட்ரெச் மார்க்ஸ் ஏற்படுகின்றன.

கர்ப்ப காலத்தில் வயிற்றுத் தசைகள் மெள்ள மெள்ள விரிவடையத் தொடங்கும். அதனால் சருமம் விரிவடைந்து எலாஸ்டிக் தன்மையை இழந்து தழும்புகள் உருவாகக் காரணமாகிறது. கர்ப்பிணிகளுக்கு மட்டுமன்றி, மற்றவர்களுக்கும் இப்படி சருமத்தில் ஸ்ட்ரெச் மார்க்ஸ் வரலாம். உடல் எடை அதிகமாக உள்ளவர்களுக்கும் திடீரென உடல் எடை குறைப்பவர்களுக்கும் இது சகஜம்.  திடீரென ஜிம் போய் எடையைத் தூக்கி வொர்க் அவுட் செய்வோருக்கு ஸ்ட்ரெச் மார்க் வரலாம். 

தழும்பு

ஸ்ட்ரெச் மார்க்கில் பிங்க் நிற ஸ்ட்ரெட்ச் மார்க், வெள்ளை நிற ஸ்ட்ரெச் மார்க் என இரண்டு உண்டு.  பிங்க் நிற ஸ்ட்ரெச் மார்க் என்பது ஆரம்ப நிலையில் இருப்பதால் அதறகு சிகிச்சை அளிப்பதும் சற்று சுலபமாக இருக்கும்.  வெள்ளை நிற ஸ்ட்ரெச் மார்க் என்பது தசை நார்கள் உடைவதால் ஏற்படுவது. அது கிட்டத்தட்ட நிரந்தர தழும்பாகவே மாறிவிடும்.

ஸட்ரெச் மார்க்கை 100 சதகிவிதம் நீக்கிவிட முடியுமா என்றால் முடியாது. இதைத் தவிர்க்கலாமே தவிர ரிவர்ஸ் செய்ய வாய்ப்பில்லை. கர்ப்ப காலத்தில் 3-வது மாதத்தில் இருந்தே சருமத்துக்கு மாய்ஸ்ச்சரைசர் உபயோகித்து அதை வறட்சியின்றி வைத்துக்கொள்ள வேண்டும். செராமைடு உள்ள மாய்ஸ்ச்சரைசர் உபயோகிப்பது சிறந்தது. 

Weightloss

வெயிட்லாஸ் முயற்சியில் இருப்போருக்கும் இது முக்கியம். வெயிட் லிஃப்டிங் செய்வது, ஜிம்முக்குச் செல்வதற்கு முன்பு சருமத்தை நன்கு மாய்ஸ்ச்சரைஸ் செய்ய வேண்டும். திடீரென எடையைக் குறைப்பது ஸ்ட்ரெச் மார்க்ஸ் வரும் வாய்ப்பை அதிகப்படுத்தும்.  ஏற்கெனவே சொன்னது போல ஸ்ட்ரெச் மார்க்கை முழுமையாக நீக்க முடியாது. அதன் வீரியத்தை சற்று குறைக்கலாம். மருத்துவரிடம் சென்று எடுத்துக்கொள்ளும் சிகிச்சை, வீட்டிலேயே பின்பற்றும் சிகிச்சை என இதற்கு இரண்டு வகையான தீர்வுகள் உள்ளன.  கெமிக்கல் பீல், மைக்ரோ நீட்லிங் உள்ளிட்ட லேசர் சிகிச்சைகள் உள்ளன. 

இந்தச் சிகிச்சைகளாலும் உங்கள் தழும்புகளை 100 சதவிகிதம் ரிவர்ஸ் செய்ய முடியாது  உங்கள் உடலின் தன்மை, கொலாஜென் அளவு, ஸ்ட்ரெச் மார்க்கின் தீவிரம் போன்றவற்றைப் பொறுத்து இது தீர்மானிக்கப்படும். ஸ்ட்ரெச் மார்க் பிரச்னை உங்களை ரொம்பவே ஸ்ட்ரெஸ்ஸுக்கு உள்ளாக்குவதாக நினைத்தால் அதற்கான சிகிச்சையை எடுத்துக்கொள்ளலாம்.  

கர்ப்பம்

பெரும்பாலும் பிரசவத் தழும்புகள் குறித்து பலரும் கவலை கொள்வதில்லை. அதை  பெருமையாகவே எடுத்துக் கொண்டு கடந்து போகிறார்கள் பலரும். அதையும் தாண்டி இந்தத் தழும்புகள் உங்களைத் தொந்தரவு செய்தால் சிகிச்சை எடுக்கலாம். 

உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.


Labels:

Comments

Post a Comment

Popular posts from this blog

Sundar Pichai: "அன்றிலிருந்து என் வாழ்க்கை மாறிவிட்டது!"- கூகுளில் 20 வருடங்கள் கடந்த சுந்தர் பிச்சை

சுந்தர் பிச்சை, தமிழ்நாட்டில் சாதாரணக் குடும்பப் பின்னணியிலிருந்து வந்து இன்று கூகுளின் தலைமைச் செயல் அதிகாரியாக (சிஇஓ) பணியாற்றுபவர். சுந்தர் பிச்சை, சென்னை அசோக் நகர் ஜவஹர் வித்யாலயாவிலும், மெட்ராஸ் ஐ.ஐ.டி-யின் வனவாணி பள்ளியிலும் படித்தார். பின், ஐ.ஐ.டி கரக்பூரில் இன்ஜினீயரிங் படித்தார். அமெரிக்காவில் ஸ்டான்ஃபோர்டு பல்கலைக்கழகத்தில் மாஸ்டர்ஸும், வார்டன் ஸ்கூலில் எம்.பி.ஏ-வும் முடித்தவர், மெக்கன்சியில் புராடெக்ட் மேனேஜ்மென்ட் கன்சல்டன்டாக வேலைக்குச் சேர்ந்தார். பின்னர் தனது காதலியும் மனைவியுமான அஞ்சலியின் மென்பொருள் நிறுவனமான Intuit-ல் வணிக இயக்க மேலாளராகத் தன் கரியரைத் தொடர்ந்தார். அதன்பின் Accenture நிறுவனத்தில் மூன்று ஆண்டுகள் பணிபுரிந்தார். 2004க்குப் பிறகுதான் அவருடைய வாழ்க்கையில் திருப்புமுனை ஆரம்பமானது.சுந்தர் பிச்சை, அஞ்சலி 2004-ல் கூகுள் டூல் பார் (Tool bar) புராடெக்ட் மேனேஜராக வேலைக்குச் சேர்ந்தவர், தன்னுடைய திறமையால் தொடர்ச்சியாக அந்நிறுவனத்தின் அடுத்தடுத்த பதவிகளுக்கு முன்னேறினார். 2015-ல் கூகுளின் தலைமை நிர்வாகியாக உயர்ந்தார். 2019-ல் கூகுளின் தாய் நிறுவனமான Alphabet ...
Post a Comment
Read more

`மூச்சு விடமுடியவில்லை, நிறுத்துங்கள்' - அமெரிக்க போலீஸ் தாக்குதல்... மீண்டும் ஒரு `ஃபிளாய்ட்?’

`Black Lives Matter' என்ற வாசகத்தை எவரும் அவ்வளவு எளிதில் மறந்துவிடமாட்டார்கள். ஒவ்வொருமுறை இனவெறித் தாக்குதல் முறை நடக்கும்போதும் உரிமைக்குரலாக உச்சரிக்கப்படும் இந்த வாசகம், 2020-ல் அமெரிக்காவில் ஜார்ஜ் ஃபிளாய்ட் என்ற ஆப்ரிக்க அமெரிக்கர் ஒருவர் போலீஸ் அதிகாரிகளால் நடுரோட்டில் கொல்லப்பட்ட சம்பவத்துக்கு எதிரான போராட்டங்களின் மூலம் உலகம் முழுவதும் எதிரொலித்தது. இன்றும் பல இனவெறித் தாக்குதலுக்கு எதிராக இது எதிரொலித்துகொண்டே இருக்கிறது.அமெரிக்கா - போராட்டம் இந்த நிலையில், அமெரிக்காவில் மீண்டும் ஒரு ஆப்ரிக்க அமெரிக்கர் போலீஸாரின் தாக்குதலில் கொல்லப்பட்ட சம்பவம் அதிர்ச்சியை ஏற்படுத்தியிருக்கிறது. முன்னதாக, கடந்த 18-ம் தேதி ஒஹாயோ மாகாணத்தில் மின்கம்பத்தின் மீது கார் ஒன்று மோதி விபத்து ஏற்பட்டிருக்கிறது. அப்போது அங்குவந்த போலீஸ் அதிகாரிகளிடம், விபத்து ஏற்படுத்திய நபர் தப்பித்து பாருக்குள் (Bar) ஓடிவிட்டதாக அங்கிருந்தவர்கள் கூறியிருக்கின்றனர். அதைத்தொடர்ந்து, பாருக்குள் சென்ற போலீஸ் அதிகாரிகள் சந்தேகத்தின் பேரில் பிராங்க் டைசன் எனும் 53 வயது ஆப்ரிக்க அமெரிக்க நபரை வலுக்கட்டாயமாக இழுத்து,...
Post a Comment
Read more

மரபணு சிகிச்சையில் செவித்திறன் பெற்ற சிறுமி - அனைத்து பரம்பரை நோய்களுக்கும் தீர்வு கிடைக்குமா?

நம் உடல், பல கோடான கோடி செல்களால் ஆனது. இந்தச் செல்களில் சுமார் 22 ஆயிரம் மரபணுக்கள் உள்ளன. பெரும்பாலான செல்களில் உட்கரு உண்டு. இங்குதான் DNA மூலக்கூறுகள் உள்ளன. இந்த DNA மூலக்கூறுகள்தான் இந்த மரபணுத் தகவல்களைச் சுமந்து கொண்டு உள்ளன. இந்த மரபணுக்களின் இயக்கம்தான், நம் இயக்கம். உதாரணமாக, நம் உமிழ் நீரில் அமைலேஸ் என்ற ஒரு நொதி உள்ளது. இந்த நொதிதான் நம் உணவில் உள்ள மாவுப் பொருளைச் சிதைத்து குளுக்கோஸை உற்பத்தி செய்கிறது. இந்த நொதியை உற்பத்தி செய்யத் தேவையான தகவல், AMY1 என்ற மரபணுவில் உள்ளது. இந்த மரபணுவில் உள்ள தகவலின் படிதான் அமைலேஸ் என்ற ஒரு நொதி தயாரிக்கப்படுகிறது. அதாவது, AMY1 என்ற மரபணுவில் ஏதாவது தவறு இருந்தால், அமைலேஸ் என்ற ஒரு நொதி செயலிழக்கும். இந்த நிலையில் உள்ள மரபணு நோயாளி, உணவு சாப்பிட்டால் அவருக்குச் செரிமானமாகாது. மரபணு அதிகரிக்கும் உணவுத் தேவை: தொழில்நுட்பத்தில் தயாராகும் செயற்கை மீன், இறைச்சி... உடலுக்கு நல்லதா..? மரபணுவில் உள்ள தகவலில் தவறு இருந்தால், மரபணு நோய் ஏற்படும். இதனைப் பரம்பரை நோய் எனலாம். காரணம், இந்த நோய் பெற்றோர்கள்/மூதாதையர்களிடமிருந்து பிள்ளைகளுக்கு ...
Post a Comment
Read more