Skip to main content

Doctor Vikatan: முழங்கை மூட்டில் வலி... எலும்புகளின் ஆரோக்கியம் காப்பது எப்படி?

Doctor Vikatan: எலும்புகளின் ஆரோக்கியத்தை எப்படி மேம்படுத்துவது? எனக்கு முழங்கைகளில் வலி உள்ளது. அதற்கான தீர்வையும் சொல்லவும்.

- Shiva Kumar, விகடன் இணையத்திலிருந்து

பதில் சொல்கிறார் சென்னையைச் சேர்ந்த மூட்டு, எலும்பு அறுவை சிகிச்சை மருத்துவர் முகமது இஸ்மாயில்

மூட்டு, எலும்பு அறுவை சிகிச்சை மருத்துவர் முகமது இஸ்மாயில் | சென்னை

எலும்புகளின் உறுதிக்கும் ஆரோக்கியத்துக்கும் வைட்டமின் டி, கால்சியம் மற்றும் புரதச்சத்து ஆகிய மூன்றும் முக்கியம். கூடவே உடற்பயிற்சிகளும் மிக அவசியம். அதாவது வெயிட் டிரெயினிங் பயிற்சிகள் எலும்புகளை வலுவாக்கும்.

பால் மற்றும் பால் உணவுகள் அனைத்திலும் கால்சியம் சத்து இருக்கும். முருங்கைக்காய், முருங்கைக்கீரை, அகத்திக்கீரை போன்றவை எலும்புகளுக்கு ஆரோக்கியம் அளிப்பவை. பிரண்டையில் எலும்புகளை வலுவாக்கும் பிரத்யேக தன்மை உண்டு. எனவே பிரண்டையை அடிக்கடி துவையல் வடிவில் சேர்த்துக் கொள்ளலாம்.

முழங்கை மூட்டுகளில் வலி என்பது அடிபட்டதால் வரலாம், அந்த அடியானது தசையிலோ, தசைநாரிலோ, எலும்பிலோ பட்டதால் ஏற்பட்டதாக இருக்கலாம். கிருமித் தொற்றினால் சீழ்ப்பிடித்து அதனாலும் வலி வரலாம். ருமட்டாயிடு ஆர்த்ரைட்டிஸ் பாதிப்பினாலும் வரலாம்.

மூட்டுகளை அதிகமாக உபயோகப்படுத்துவதன் விளைவாகவும் வலி வரலாம். வலிக்கான காரணம் தெரிந்தால்தான் சிகிச்சையைப் பரிந்துரைக்க முடியும். அடிபட்டதால் ஏற்பட்ட வலி என்றால் அதற்கான சிகிச்சையையும், எலும்பு முறிவு காரணமாக வந்தது என்றால் அதைச் சரி செய்வதற்கான சிகிச்சையையும், தசைநார் பாதிப்பு என்றால் பிசியோதெரபி சிகிச்சையையும் கொடுக்க வேண்டியிருக்கும். ஒருவேளை தசைநார் அதிகமாக முறிந்திருந்தால் அதற்கோர் அறுவை சிகிச்சை தேவைப்படலாம்.

மூட்டு வலி

கிருமித் தொற்றால் மூட்டுகளில் சீழ்ப்பிடித்திருந்தால், அதை நீக்கவிட்டு, ஆன்டிபயாடிக் மருந்துகள் கொடுக்கப்படும். ஆர்த்ரைட்டிஸால் ஏற்பட்ட வலி என்றால் அதற்கான சிகிச்சை வேறு... மூட்டுகளை அதிகப்படியாக உபயோகித்ததால் ஏற்பட்ட வலி என்றால், எந்தக் காரணத்தால் மூட்டு அதிகம் உபயோகப்படுத்தப்படுகிறதோ, அதைக் குறைத்துக்கொள்ள வேண்டியிருக்கும். இப்படி, காரணத்துக்கேற்ப பிசியோதெரபி, ஊசிகள், பிளேட்லெட் ரிச் பிளாஸ்மா சேர்த்த ஊசிகள் போன்று பல சிகிச்சைகள் உள்ளன.

ஆண்களுக்கு எலும்புகளின் அடர்த்தி குறையத் தொடங்கும்போது எலும்பு பாதிப்புகள் ஆரம்பிக்கும். அதுவே அவர்கள் உடற்பயிற்சிகள் செய்யும் வழக்கமுள்ளவர்களாக இருந்தால் அந்த பாதிப்பு குறைவாக இருக்கும். பெண்களுக்கு மெனோபாஸ் வரை ஹார்மோன் சப்போர்ட் இருப்பதால் பாதிப்பு குறைவாக இருக்கும்.

பிரண்டை

மெனோபாஸுக்கு பிறகு அது குறைவதால் எலும்பு ஆரோக்கியமும் பாதிக்கப்படும். பாதிப்புகள் வராமலிருக்க உணவுப்பழக்கம், உடற்பயிற்சி போன்றவற்றில் ஆரம்பத்திலிருந்தே கவனம் செலுத்துவதுதான் தீர்வு.

உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.


Labels

Labels:

Comments

Post a Comment

Popular posts from this blog

Airtel Recharge Plans: "கொஞ்சம் கூட லாபம் கிடைப்பதில்லை!"- விலையை ஏற்றி ஏர்டெல் சிஇஓ அதிரடி!

இந்த ஆண்டின் நடுவில் ஏர்டெல் நிறுவனம் தங்களின் ரீசார்ஜ் திட்டங்களின் விலையை உயர்த்தத் திட்டமிருக்கிறது. ஜியோவின் வருகைக்குப் பிறகு ஏர்டெல், வோடபோன் போன்ற நிறுவனங்களின் வாடிக்கையாளர்கள் வெகுவாகக் குறைந்தனர். மிகக் குறைந்த விலையிலான ரீசார்ஜ் திட்டங்களை வழங்கி ஜியோ குறுகிய காலத்தில் பல கோடி சந்தாதாரர்களைப் பிடித்தது. இதன் காரணமாகப் பிற நிறுவனங்கள் குறைந்த விலையில் ரீசார்ஜ் திட்டங்களை வழங்கும் நிலைமைக்குத் தள்ளப்பட்டன. ஜியோவின் இந்த அசுர வளர்ச்சியால் ஏர்டெல், வோடபோன் நிறுவனங்களும் போட்டிப்போட்டு தங்களின் சந்தாதாரர்களுக்குப் பல ரீசார்ஜ் திட்டங்களைக் குறைந்த விலையில் அறிமுகப்படுத்தின. Airtel Recharge Plans இக்கடும்போட்டியில் பல பெருநிறுவனங்கள் காணாமலே போயின. அதிக சந்தாதாரர்களைப் பெற்று ஜியோ நம்பர் ஒன் இடத்தைப் பிடித்தது. அதைத் தொடர்ந்து ஏர்டெல் கடுமையாகப் போட்டிப்போட்டு தங்களின் நிலையைத் தக்க வைத்து தற்போது இரண்டாம் இடத்தில் உள்ளது. இந்நிலையில் குறைவான கட்டணத்தில் ரீசார்ஜ் திட்டங்களை வழங்கி வந்த ஏர்டெல், சமீபகாலமாக மெல்ல மெல்ல அதன் விலையை அதிகரித்து வருகிறது. இதையடுத்து தற்போது இந்த ஆண...
Post a Comment
Read more

நெடுஞ்சாலைகளில் 100கிமீ வேகத்துக்கு மேல் போனால் Tollgate-ல் அபராதம் கட்ட வேண்டுமா? | Fact Check

பெரும்பாலான வாகன விபத்துகள் சாலை விதிகளையும் ஒழுக்கங்களையும் சரியாகப் பின்பற்றாமல் இருப்பதால்தான் ஏற்படுகின்றன. அதில் முக்கியமானது சாலையில் வரையறுக்கப்பட்ட வேகத்தைவிட அதிவேகமாகச் செல்வது. வாகனங்களில் அதிவேகமாகச் செல்வது என்பது வாகனம் ஓட்டுபவருக்கு மட்டுமின்றி, சாலையில் இருப்பவர்களுக்கும் ஆபத்து. ஒவ்வொரு வாகன ஓட்டிகளும் சாலையின் தன்மையையும் சூழலையும் புரிந்து கொண்டு சுய ஒழுக்கத்துடன் வாகனம் ஓட்டுவது என்பது அவசியம். ஆனால் பலர் இந்த சமூகப் பொறுப்பை உணர்வதில்லை. தாறுமாறாகச் சாலைகளில் வாகனம் ஓட்டி விபத்துகளை ஏற்படுத்தி விடுகின்றனர். இதைக் கட்டுப்படுத்தும் விதமாகப் போக்குவரத்துக் காவல்துறை, அதிவேகமாகச் செல்லும் வாகனத்தைக் கண்டறிய 'Police laser speed gun (police lidar)' என்ற கருவியைப் பயன்படுத்தி வருகின்றனர்.Toll Gate இந்தக் கருவியில் ஸ்பீட் லிமிட் செட் செய்து விட்டால் போதும்; அது அதிவேகமாகச் செல்லும் வாகனங்களைக் கண்டறிந்து விடும். இது தமிழகம் உட்பட இந்தியாவின் முக்கிய நகரங்களில் நடைமுறையில் இருக்கிறது. தமிழகத்தில் முக்கியமான இடங்களில் போக்குவரத்துக்குக் காவல்துறை இந்தக் கருவியைப்...
Post a Comment
Read more

``டியர் பாஸ், தேவைப்பட்டால் என்னை தொடர்பு கொள்ளுங்கள்'' - லேப்டாப் திருடன் ஓனருக்கு கொடுத்த மெசேஜ்!

திருடர்களில் சிலர் நேர்மையாகவும் நியாயமாகவும், தங்களைப் பிடிக்க தாங்களே ஐடியா கொடுத்ததும் சென்று விடுகிறார்கள். சீனாவின் ஷாங்காயில் உள்ள அலுவலகம் ஒன்றில் கடிகாரங்கள் மற்றும் லேப்டாப்கள் திருடப்பட்டிருக்கின்றன. எப்படியோ அலுவலகத்திற்குள் நுழைந்த திருடன் கையில் கிடைத்தவற்றை சுருட்டிக் கொண்டு கிளம்புவதற்கு முன் குறிப்பு ஒன்றை எழுதிவிட்டுச் சென்றிருக்கிறார். ``டியர் பாஸ், நான் ஒரு கைக்கடிகாரம் மற்றும் லேப்டாப்பை எடுத்துக்கொண்டேன். நீங்கள் உங்களது செக்யூரிட்டி சிஸ்டத்தை அப்கிரேடு செய்ய வேண்டும். உங்கள் பிஸினஸுக்கு தீங்கு விளைவிக்கும் என்று பயந்து, நான் எல்லா போன்களையும், லேப்டாப்பையும் எடுக்கவில்லை. உங்களின் லேப்டாப் மற்றும் போனை திரும்ப பெற வேண்டுமென்றால், இந்த எண்ணை தொடர்பு கொள்ளுங்கள்’’ என்று குறிப்பிட்டு சென்றுவிட்டார்.theif Motivation Story: சின்சியரா இருக்குறது தப்பா பாஸ்?! - பாடம் சொல்லும் கதை! இந்தச் சம்பவத்தைத் தொடர்ந்து விசாரணையில் ஈடுபட்ட காவல்துறை அதிகாரிகள் அந்த நபரின் பெயர் சாங் என அறிந்தனர். கண்காணிப்பு கேமராக்கள் மற்றும் அவர் விட்டுச்சென்ற தொலைபேசி எண்ணைப் பயன்படுத்தி அ...
Post a Comment
Read more