``இங்கிலாந்து - சீன உறவுகளின் பொற்காலம் முடிந்துவிட்டது" - பிரதமர் ரிஷி சுனக்

கடந்த சில வாரங்களாகவே சீனா முழுவதும் கொரோனா தொற்று எண்ணிக்கை அதிகரித்துக்கொண்டேவருகிறது. இதனால், சீனாவின் பல மாகாணங்களில் கடுமையான கொரோனா கட்டுப்பாடுகள் விதிக்கப்பட்டிருக்கின்றன. கடந்த வாரம் வியாழக்கிழமை (நவ.24) அன்று, ஜின்ஜியாங் மாகாணத்தின் தலைநகரான உரும்கி பகுதியிலுள்ள உயரமான அடுக்குமாடிக் குடியிருப்பில் தீ விபத்து ஏற்பட்டது. அந்தக் குடியிருப்பின் ஒரு பகுதி கொரோனா கட்டுப்பாடுகளுக்காகப் பூட்டப்பட்டிருந்தது. இதனால், மக்கள் வெளியேறுவதில் சிரமம் ஏற்பட்டதோடு, 10 பேர் தீயில் கருகி உயிரிழந்தனர்.சீனா போராட்டம் உரும்கி தீ விபத்து சம்பவம் குறித்த செய்திகள் சீனா முழுவதும் பரவ, அதிபர் ஜி ஜின்பிங் பதவி விலக வேண்டும் என சீன மக்கள் போராடிவருகின்றனர். ஷாங்காய் நகரில் நடைபெற்ற போராட்ட நிகழ்ச்சியைப் படம் பிடிக்க பிரபல தனியார் செய்தி நிருபரான லாரன்ஸ் சென்றபோது, அவரை காவல்துறை கைதுசெய்து, அடித்து சித்திரவதை செய்து அதன் பிறகே விடுவித்திருக்கிறது. இந்த நிலையில், இங்கிலாந்து பிரதமர் ரிஷி சுனக் தனது வெளியுறவுக் கொள்கை குறித்த முதல் முக்கிய உரையில், "பத்திரிக்கையாளர்கள் சுதந்திரமாகச் செயல்பட அனுமதிக்க வேண்டும். முன்னாள் பிரதம மந்திரி டேவிட் கேமரூனால் ஏற்படுத்தப்பட்ட இங்கிலாந்து-சீனா உறவுகளின் பொற்காலம் முடிந்துவிட்டது. வணிகம் தானாகவே இரு நாடுகளுக்கிடையே சமூக, அரசியல் சீர்திருத்தத்துக்கு வழிவகுக்கும். எங்கள் மதிப்புகள், நலன்களுக்கு சீனா ஒரு சவாலை முன்வைத்திருக்கிறது.ரிஷி சுனக் உலகளாவிய பொருளாதார உறுதித்தன்மை, காலநிலை மாற்றம் போன்ற விவகாரங்களில் சீனாவின் முக்கியத்துவத்தை நாம் வெறுமனே புறக்கணிக்க முடியாது. ஆனால், இது இன்னும் பெரிய சர்வாதிகாரத்தை நோக்கி நகரும்போது இன்னும் தீவிரமாக வளரும். அமெரிக்கா, கனடா, ஆஸ்திரேலியா, ஜப்பான் மற்றும் பல நாடுகள் இதை புரிந்துகொண்டிருக்கின்றன. சீனா உள்நாட்டு மற்றும் உலகளாவிய பாதுகாப்புக்கு நம்பர் ஒன் அச்சுறுத்தல்" எனத் தெரிவித்திருக்கிறார்.சீனா: சாலையில் திரண்ட ஆயிரக்கணக்கான மக்கள்... முதன்முறையாகப் பெரும் போராட்டம் - பின்னணி என்ன?!
http://dlvr.it/SdbXWm