Skip to main content

Doctor Vikatan: வெளியில் வெப்ப அலை.... வீடுகளில் சளி, காய்ச்சல் பாதிப்பு... ஏன் இப்படி?

Doctor Vikatan: வெளியில் வெப்ப அலை வீசுகிறது. வெயில் வாட்டி வதைக்கிறது. இது ஒரு பக்கமிருக்க, இன்னொரு பக்கம் மருத்துவமனைகளில் காய்ச்சல், சளியால் பாதிக்கப்பட்டு சிகிச்சைக்கு வருவோரின் எண்ணிக்கையும் அதிகமாக இருக்கிறது. எல்லா வீடுகளிலும் யாரோ ஒருவருக்கு, குறிப்பாக முதியவர்களுக்கு  காய்ச்சல், சளி, இருமல் இருப்பதைப் பார்க்கிறோம். இதை எப்படிப் புரிந்துகொள்வது? இதற்கு என்ன காரணம், என்ன சிகிச்சை, தடுப்பு முறை என்ன?

பதில் சொல்கிறார், சென்னையைச் சேர்ந்த பொது மருத்துவரும், தீவிர சிகிச்சை நிபுணருமான மகாதேவன்

பொது மருத்துவரும், தீவிர சிகிச்சை நிபுணருமான மகாதேவன்

நீங்கள் குறிப்பிடும் பிரச்னையைத்தான் 'ஹீட் ஸ்ட்ரோக்' என்று சொல்கிறோம்.  வயதானவர்களுக்கு மட்டுமல்ல, இளம் வயதினருக்கும் ஹீட் ஸ்ட்ரோக் பாதிக்கலாம். இதை 'ஹீட் எக்ஸாஷன்' (heat exhaustion) என்றும் சொல்வோம். வெயிலில் வெளியே செல்கிறார்கள், போதுமான அளவு தண்ணீர் குடிப்பதில்லை, நிறைய விளையாடுகிறார்கள் என்றால் அவர்களுக்கெல்லாம் ஹீட் எக்ஸாஷன் என்ற பிரச்னை வரலாம்.

ஹீட் ஸ்ட்ரோக் அறிகுறிகளை அலட்சியப்படுத்தாமல், ஆரம்பகட்டத்திலேயே கண்டுபிடித்து சிகிச்சையைத் தொடங்கினால், அது தீவிரமாகாமல் தடுக்கலாம். நம் வீடுகளில் உள்ள தாத்தா, பாட்டிக்கு காய்ச்சல் அதிகமிருந்தாலோ, குழப்பமாக உணர்ந்தாலோ, சம்பந்தமே இல்லாமல் பேசினாலோ, தான் யார், எங்கே இருக்கிறோம் என்பதே தெரியவில்லை என்று சொன்னாலோ, அவையெல்லாம் ஹீட் ஸ்ட்ரோக்கின் அறிகுறிகளாக இருக்கலாம். சாதாரண தொற்று என நினைத்துக்கொண்டு, வீட்டிலேயே பாராசிட்டமால் கொடுப்பதால் இந்தப் பிரச்னை சரியாகாது. அலட்சியப்படுத்தினால், தீவிர சிகிச்சைப் பிரிவில் வைத்து வைத்தியம் செய்ய வேண்டிய நிலை ஏற்படலாம். 102 டிகிரிக்கு மேல் காய்ச்சல் இருந்தால், உடனே அலெர்ட் ஆகி, பெரியவர்களை மருத்துவமனைக்கு அழைத்துச் செல்வதுதான் சரியானது.

102 டிகிரிக்கு மேல் காய்ச்சல் இருந்தால், உடனே அலெர்ட் ஆகி, பெரியவர்களை மருத்துவமனைக்கு அழைத்துச் செல்வதுதான் சரியானது.

ஹீட் ஸ்ட்ரோக் பாதித்த நபரை மருத்துவமனையில் அட்மிட் செய்துதான் சிகிச்சை கொடுக்க வேண்டியிருக்கும். எப்போதும் வரும் காய்ச்சல், சளிதானே... வழக்கமான ஆன்டிபயாட்டிக்கை கொடுத்து ஒன்றிரண்டு நாள்கள் காத்திருந்து பார்ப்போம் என நினைப்பது சரியானதல்ல. மருத்துவமனையில் சேர்த்து, சோடியம், பொட்டாசியம், யூரியா, கிரியாட்டினின் அளவுகளுக்கான டெஸ்ட் செய்து, அதற்கேற்ப சிகிச்சை அளிக்க வேண்டும். உடல் வெப்பநிலையைக் குளிரவைக்க வேண்டியது மிக முக்கியம். தவிர, ஐவி ஃப்ளூயிட்ஸ் எனப்படும் நரம்புவழி திரவம் செலுத்துவதும் தேவைப்படும். எனவே, வெயில் காலத்தில் சளி, காய்ச்சலா... சாதாரணமாக இருக்கும் என்ற அலட்சியத்தோடு இந்தப் பிரச்னையை அணுக வேண்டாம்.

உங்கள் கேள்விகளை கமென்ட் பகுதியில் பகிர்ந்துகொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.    


Labels:

Comments

Post a Comment

Popular posts from this blog

நெடுஞ்சாலைகளில் 100கிமீ வேகத்துக்கு மேல் போனால் Tollgate-ல் அபராதம் கட்ட வேண்டுமா? | Fact Check

பெரும்பாலான வாகன விபத்துகள் சாலை விதிகளையும் ஒழுக்கங்களையும் சரியாகப் பின்பற்றாமல் இருப்பதால்தான் ஏற்படுகின்றன. அதில் முக்கியமானது சாலையில் வரையறுக்கப்பட்ட வேகத்தைவிட அதிவேகமாகச் செல்வது. வாகனங்களில் அதிவேகமாகச் செல்வது என்பது வாகனம் ஓட்டுபவருக்கு மட்டுமின்றி, சாலையில் இருப்பவர்களுக்கும் ஆபத்து. ஒவ்வொரு வாகன ஓட்டிகளும் சாலையின் தன்மையையும் சூழலையும் புரிந்து கொண்டு சுய ஒழுக்கத்துடன் வாகனம் ஓட்டுவது என்பது அவசியம். ஆனால் பலர் இந்த சமூகப் பொறுப்பை உணர்வதில்லை. தாறுமாறாகச் சாலைகளில் வாகனம் ஓட்டி விபத்துகளை ஏற்படுத்தி விடுகின்றனர். இதைக் கட்டுப்படுத்தும் விதமாகப் போக்குவரத்துக் காவல்துறை, அதிவேகமாகச் செல்லும் வாகனத்தைக் கண்டறிய 'Police laser speed gun (police lidar)' என்ற கருவியைப் பயன்படுத்தி வருகின்றனர்.Toll Gate இந்தக் கருவியில் ஸ்பீட் லிமிட் செட் செய்து விட்டால் போதும்; அது அதிவேகமாகச் செல்லும் வாகனங்களைக் கண்டறிந்து விடும். இது தமிழகம் உட்பட இந்தியாவின் முக்கிய நகரங்களில் நடைமுறையில் இருக்கிறது. தமிழகத்தில் முக்கியமான இடங்களில் போக்குவரத்துக்குக் காவல்துறை இந்தக் கருவியைப்...
Post a Comment
Read more

Doctor Vikatan: புரோட்டீன் குறைபாடு இருந்தால் உடல் எடை அதிகரிக்குமா?

Doctor Vikatan: என் வயது 44. பல வருடங்களாக எடைக்குறைப்பு முயற்சியில் ஈடுபட்டு வருகிறேன். ஆனாலும் எடை குறைந்த பாடாக இல்லை. என் நண்பன் `வே புரோட்டீன்' எடுத்துக்கொள்ளும்படி அறிவுறுத்துகிறான். எனக்கு அதை எடுத்துக்கொள்வதில் தயக்கம் இருக்கிறது. தவிர அதன் விலையும் பயமுறுத்துகிறது. புரதச்சத்துக் குறைபாடு இருந்தால் உடல் எடை குறையாது என்பது உண்மையா..? வே புரோட்டீனுக்கு மாற்று ஏதேனும் உண்டா? பதில் சொல்கிறார், சென்னையைச் சேர்ந்த,  ஸ்போர்ட்ஸ் அண்ட் ப்ரிவென்ட்டிவ் ஹெல்த்  டயட்டீஷியன் ஷைனி சுரேந்திரன். ஷைனி சுரேந்திரன் Doctor Vikatan: லேசான குளிரைக்கூட தாங்க முடியாத நிலை... பிரச்னையின் அறிகுறியா, சிகிச்சை தேவையா? புரோட்டீன் பவுடர் எடுக்க வேண்டும் என்ற ஆசை பலருக்கும் இருப்பதைப் பார்க்கலாம். ஆனால் கடைகளில் கிடைக்கும் `வே புரோட்டீன்' போன்றவற்றை எடுத்துக்கொண்டால் பக்க விளைவுகள் வருமா என பயப்படுகிறார்கள். இன்னொரு பக்கம் அதன் விலை அதிகமாக இருப்பதால் எல்லோராலும் வாங்கிப் பயன்படுத்தவும் முடிவதில்லை.  உணவில் புரதச்சத்துக் குறைபாட...
Post a Comment
Read more

Airtel Recharge Plans: "கொஞ்சம் கூட லாபம் கிடைப்பதில்லை!"- விலையை ஏற்றி ஏர்டெல் சிஇஓ அதிரடி!

இந்த ஆண்டின் நடுவில் ஏர்டெல் நிறுவனம் தங்களின் ரீசார்ஜ் திட்டங்களின் விலையை உயர்த்தத் திட்டமிருக்கிறது. ஜியோவின் வருகைக்குப் பிறகு ஏர்டெல், வோடபோன் போன்ற நிறுவனங்களின் வாடிக்கையாளர்கள் வெகுவாகக் குறைந்தனர். மிகக் குறைந்த விலையிலான ரீசார்ஜ் திட்டங்களை வழங்கி ஜியோ குறுகிய காலத்தில் பல கோடி சந்தாதாரர்களைப் பிடித்தது. இதன் காரணமாகப் பிற நிறுவனங்கள் குறைந்த விலையில் ரீசார்ஜ் திட்டங்களை வழங்கும் நிலைமைக்குத் தள்ளப்பட்டன. ஜியோவின் இந்த அசுர வளர்ச்சியால் ஏர்டெல், வோடபோன் நிறுவனங்களும் போட்டிப்போட்டு தங்களின் சந்தாதாரர்களுக்குப் பல ரீசார்ஜ் திட்டங்களைக் குறைந்த விலையில் அறிமுகப்படுத்தின. Airtel Recharge Plans இக்கடும்போட்டியில் பல பெருநிறுவனங்கள் காணாமலே போயின. அதிக சந்தாதாரர்களைப் பெற்று ஜியோ நம்பர் ஒன் இடத்தைப் பிடித்தது. அதைத் தொடர்ந்து ஏர்டெல் கடுமையாகப் போட்டிப்போட்டு தங்களின் நிலையைத் தக்க வைத்து தற்போது இரண்டாம் இடத்தில் உள்ளது. இந்நிலையில் குறைவான கட்டணத்தில் ரீசார்ஜ் திட்டங்களை வழங்கி வந்த ஏர்டெல், சமீபகாலமாக மெல்ல மெல்ல அதன் விலையை அதிகரித்து வருகிறது. இதையடுத்து தற்போது இந்த ஆண...
Post a Comment
Read more