Skip to main content

Doctor Vikatan: வைரல் வீடியோ.. Jumping Jacks பயிற்சி செய்தால் ஹார்ட் அட்டாக் வருமா?

Doctor Vikatan: ஜம்ப்பிங் ஜாக்ஸ் (Jumping Jacks) எனப்படுகிற உடற்பயிற்சியைச் செய்துகொண்டிருந்த இளைஞர் ஒருவர், ஹார்ட் அட்டாக் ஏற்பட்டு உயிரிழந்த வீடியோ காட்சியை சமீபத்தில் செய்திகளில் பார்த்தேன். ஜம்ப்பிங் ஜாக்ஸ் என்ற பயிற்சி உயிரைப் பறிக்கும் அளவுக்கு அவ்வளவு ஆபத்தானதா...? 

பதில் சொல்கிறார்,  சென்னையைச் சேர்ந்த ஃபிட்னெஸ் பயிற்சியாளர் ஷீபா தேவராஜ் 

ஷீபா தேவராஜ்

நீங்கள் குறிப்பிட்டுள்ள அந்த வீடியோவை நானும் பார்த்தேன். ஜம்ப்பிங் ஜாக்ஸ் (Jumping Jacks) எனப்படுகிற பயிற்சியானது அதிக தீவிரத்தன்மை கொண்டது என்றோ, அதைச் செய்வதால் ஒருவருக்கு உயிரே போகும் ஆபத்து உள்ளது என்றோ சொல்லப்படுவதில் துளியும் உண்மை இல்லை.

ஜம்ப்பிங் ஜாக்ஸ் என்பது மிக மிக அடிப்படையான, ஆரம்பநிலை உடற்பயிற்சியாளர்களுக்கான மிதமான கார்டியோ பயிற்சி. அதில் ஜம்ப்பிங் வெர்ஷன், வாக்கிங் வெர்ஷன் என இரண்டு உண்டு. புதிதாக வொர்க் அவுட் செய்யத் தொடங்குபவர்களில் இருந்து, அனுபவம் வாய்ந்தவர்கள்வரை அனைவருமே இதைச் செய்வார்கள். எனவே, இந்தச் சம்பவத்தில்  இளைஞரின் உயிரிழப்புக்கு ஜம்ப்பிங் ஜாக்ஸை காரணமே சொல்ல முடியாது. இன்னும் சொல்லப்போனால், உடற்பயிற்சிக்கும் மாரடைப்பு சம்பவங்களுக்குமே தொடர்பு இருப்பதாகச் சொல்ல முடியாது.

ஜம்ப்பிங் ஜாக்ஸ் பயிற்சியை குறிப்பிட்ட நிமிடங்களுக்கோ அல்லது குறிப்பிட்ட எண்ணிக்கையிலோ செய்யலாம்.

கார்டியாக் அரெஸ்ட்டோ, மாரடைப்போ இன்று உருவாகி, நாளை வருவதல்ல.

குறிப்பிட்ட இந்த வீடியோவில் அந்த இளைஞர் உயிரிழந்ததற்கும் ஜம்ப்பிங் ஜாக்ஸ் பயிற்சி காரணமாக இருக்காது. அந்த நபரின் ஆரோக்கியம் குறித்து முதலில் ஆராய வேண்டும். அவரது வாழ்க்கை முறை எப்படியிருந்தது, அவரது உணவுப்பழக்கம், எத்தனை மணி நேரம் தூங்குவார், அவருக்கு ஸ்ட்ரெஸ் இருந்ததா, வாழ்க்கையில் வேறு ஏதேனும் பிரச்னைகள் இருந்தனவா என்பதெல்லாம் கவனிக்கப்பட வேண்டும். 

கார்டியாக் அரெஸ்ட்டோ, மாரடைப்போ இன்று உருவாகி, நாளை வருவதல்ல. பல ஆண்டுகளாக, பல மாதங்களாக நம் உடலில் பிரச்னை இருந்து, அது காட்டும் அறிகுறிகளை அலட்சியம் செய்ததன் விளைவாக திடீரென ஒருநாள் பெரிதாக வெளிப்படும்.

பல நாள்களாக சரியாகச் சாப்பிடாதது, தூங்காதது, ஸ்ட்ரெஸ்ஸுடன் இருப்பது போன்ற எல்லாம் சேர்ந்து ஒருநாள் உடலில் பிரச்னையாக வெடிக்கும். எனவே, இந்த நபருக்கும் இப்படி ஏதேனும் ஒரு பிரச்னை இருந்திருக்கலாம். மற்றபடி உடற்பயிற்சிக்கும் உயிரிழப்புக்கும் எந்தத் தொடர்பும் இருக்க வாய்ப்பே இல்லை.

உங்கள் கேள்விகளை கமென்ட் பகுதியில் பகிர்ந்துகொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.    

Vikatan WhatsApp Channel

இணைந்திருங்கள் விகடனோடு வாட்ஸ்அப்பிலும்... CLICK BELOW LINK

https://bit.ly/VikatanWAChannel


Labels:

Comments

Post a Comment

Popular posts from this blog

Airtel Recharge Plans: "கொஞ்சம் கூட லாபம் கிடைப்பதில்லை!"- விலையை ஏற்றி ஏர்டெல் சிஇஓ அதிரடி!

இந்த ஆண்டின் நடுவில் ஏர்டெல் நிறுவனம் தங்களின் ரீசார்ஜ் திட்டங்களின் விலையை உயர்த்தத் திட்டமிருக்கிறது. ஜியோவின் வருகைக்குப் பிறகு ஏர்டெல், வோடபோன் போன்ற நிறுவனங்களின் வாடிக்கையாளர்கள் வெகுவாகக் குறைந்தனர். மிகக் குறைந்த விலையிலான ரீசார்ஜ் திட்டங்களை வழங்கி ஜியோ குறுகிய காலத்தில் பல கோடி சந்தாதாரர்களைப் பிடித்தது. இதன் காரணமாகப் பிற நிறுவனங்கள் குறைந்த விலையில் ரீசார்ஜ் திட்டங்களை வழங்கும் நிலைமைக்குத் தள்ளப்பட்டன. ஜியோவின் இந்த அசுர வளர்ச்சியால் ஏர்டெல், வோடபோன் நிறுவனங்களும் போட்டிப்போட்டு தங்களின் சந்தாதாரர்களுக்குப் பல ரீசார்ஜ் திட்டங்களைக் குறைந்த விலையில் அறிமுகப்படுத்தின. Airtel Recharge Plans இக்கடும்போட்டியில் பல பெருநிறுவனங்கள் காணாமலே போயின. அதிக சந்தாதாரர்களைப் பெற்று ஜியோ நம்பர் ஒன் இடத்தைப் பிடித்தது. அதைத் தொடர்ந்து ஏர்டெல் கடுமையாகப் போட்டிப்போட்டு தங்களின் நிலையைத் தக்க வைத்து தற்போது இரண்டாம் இடத்தில் உள்ளது. இந்நிலையில் குறைவான கட்டணத்தில் ரீசார்ஜ் திட்டங்களை வழங்கி வந்த ஏர்டெல், சமீபகாலமாக மெல்ல மெல்ல அதன் விலையை அதிகரித்து வருகிறது. இதையடுத்து தற்போது இந்த ஆண...
Post a Comment
Read more

நெடுஞ்சாலைகளில் 100கிமீ வேகத்துக்கு மேல் போனால் Tollgate-ல் அபராதம் கட்ட வேண்டுமா? | Fact Check

பெரும்பாலான வாகன விபத்துகள் சாலை விதிகளையும் ஒழுக்கங்களையும் சரியாகப் பின்பற்றாமல் இருப்பதால்தான் ஏற்படுகின்றன. அதில் முக்கியமானது சாலையில் வரையறுக்கப்பட்ட வேகத்தைவிட அதிவேகமாகச் செல்வது. வாகனங்களில் அதிவேகமாகச் செல்வது என்பது வாகனம் ஓட்டுபவருக்கு மட்டுமின்றி, சாலையில் இருப்பவர்களுக்கும் ஆபத்து. ஒவ்வொரு வாகன ஓட்டிகளும் சாலையின் தன்மையையும் சூழலையும் புரிந்து கொண்டு சுய ஒழுக்கத்துடன் வாகனம் ஓட்டுவது என்பது அவசியம். ஆனால் பலர் இந்த சமூகப் பொறுப்பை உணர்வதில்லை. தாறுமாறாகச் சாலைகளில் வாகனம் ஓட்டி விபத்துகளை ஏற்படுத்தி விடுகின்றனர். இதைக் கட்டுப்படுத்தும் விதமாகப் போக்குவரத்துக் காவல்துறை, அதிவேகமாகச் செல்லும் வாகனத்தைக் கண்டறிய 'Police laser speed gun (police lidar)' என்ற கருவியைப் பயன்படுத்தி வருகின்றனர்.Toll Gate இந்தக் கருவியில் ஸ்பீட் லிமிட் செட் செய்து விட்டால் போதும்; அது அதிவேகமாகச் செல்லும் வாகனங்களைக் கண்டறிந்து விடும். இது தமிழகம் உட்பட இந்தியாவின் முக்கிய நகரங்களில் நடைமுறையில் இருக்கிறது. தமிழகத்தில் முக்கியமான இடங்களில் போக்குவரத்துக்குக் காவல்துறை இந்தக் கருவியைப்...
Post a Comment
Read more

``டியர் பாஸ், தேவைப்பட்டால் என்னை தொடர்பு கொள்ளுங்கள்'' - லேப்டாப் திருடன் ஓனருக்கு கொடுத்த மெசேஜ்!

திருடர்களில் சிலர் நேர்மையாகவும் நியாயமாகவும், தங்களைப் பிடிக்க தாங்களே ஐடியா கொடுத்ததும் சென்று விடுகிறார்கள். சீனாவின் ஷாங்காயில் உள்ள அலுவலகம் ஒன்றில் கடிகாரங்கள் மற்றும் லேப்டாப்கள் திருடப்பட்டிருக்கின்றன. எப்படியோ அலுவலகத்திற்குள் நுழைந்த திருடன் கையில் கிடைத்தவற்றை சுருட்டிக் கொண்டு கிளம்புவதற்கு முன் குறிப்பு ஒன்றை எழுதிவிட்டுச் சென்றிருக்கிறார். ``டியர் பாஸ், நான் ஒரு கைக்கடிகாரம் மற்றும் லேப்டாப்பை எடுத்துக்கொண்டேன். நீங்கள் உங்களது செக்யூரிட்டி சிஸ்டத்தை அப்கிரேடு செய்ய வேண்டும். உங்கள் பிஸினஸுக்கு தீங்கு விளைவிக்கும் என்று பயந்து, நான் எல்லா போன்களையும், லேப்டாப்பையும் எடுக்கவில்லை. உங்களின் லேப்டாப் மற்றும் போனை திரும்ப பெற வேண்டுமென்றால், இந்த எண்ணை தொடர்பு கொள்ளுங்கள்’’ என்று குறிப்பிட்டு சென்றுவிட்டார்.theif Motivation Story: சின்சியரா இருக்குறது தப்பா பாஸ்?! - பாடம் சொல்லும் கதை! இந்தச் சம்பவத்தைத் தொடர்ந்து விசாரணையில் ஈடுபட்ட காவல்துறை அதிகாரிகள் அந்த நபரின் பெயர் சாங் என அறிந்தனர். கண்காணிப்பு கேமராக்கள் மற்றும் அவர் விட்டுச்சென்ற தொலைபேசி எண்ணைப் பயன்படுத்தி அ...
Post a Comment
Read more