Skip to main content

Doctor Vikatan: நரயரல நசசநககம (டடகஸ) சயவத சததயம?

Doctor Vikatan: நுரையீரலை டீடாக்ஸ் செய்வது குறித்து நிறைய யூடியூப் வீடியோக்களில் பார்க்கிறோம். வீட்டு சிகிச்சையாக அப்படி நுரையீரலை சுத்தப்படுத்துவது என்பது உண்மையிலேயே சாத்தியமா?

பதில் சொல்கிறார் சென்னையைச் சேர்ந்த நுரையீரல் சிகிச்சை சிறப்பு மருத்துவர் திருப்பதி

நுரையீரல் மருத்துவர் திருப்பதி

நுரையீரலில் நச்சுகள் படிவதற்கான காரணங்கள் ஏராளம். உதாரணத்துக்கு புகைப்பழக்கம் உள்ளவர்களுக்கு அதன் நச்சுகள் மொத்தமும் நுரையீரலில் படிந்துகொண்டே போகும். சுரங்கங்கள் போன்ற இடங்களிலும், புகை மற்றும் மாசு நிறைந்த தொழிற்சாலைகளில் வேலை செய்வோருக்கு அந்தச் சூழலில் உள்ள நுண்துகள்கள் நுரையீரலில் படிந்துகொண்டேதான் இருக்கும்.

அப்படி நுரையீரலில் நச்சுகள் படிவதால்தான் சிஓபிடி எனப்படும் நாள்பட்ட நுரையீரல் பாதிப்பு, ஐஎல்டி எனப்படும் இன்டர்ஸ்டிஷியல் லங் டிசீஸ் பாதிப்பு போன்றவை வருகின்றன. அந்த வகையில் இந்தப் பிரச்னைகளுக்குக் காரணமான நச்சுப் படிமத்தை சிகிச்சை மூலம் நீக்குவது என்பது சாத்தியமே இல்லை.

வருமுன் காப்பது மட்டுமே இதற்கான தீர்வு. தொழிற்சாலைகளில் வேலை பார்ப்பவர்களுக்கு ஆரோக்கியம் குறித்த சில விதிமுறைகள் இருக்கும். என் 95 மாஸ்க் உபயோகிப்பது, இத்தனை மணி நேரம்தான் வேலை பார்க்க வேண்டும், இத்தனை நாள்கள் விடுப்பு எடுக்க வேண்டும் என்பன போன்ற விதிமுறைகளைச் சரியாகப் பின்பற்ற வேண்டும். அவர்களுக்கு குறிப்பிட்ட கால இடைவெளியில் உடல்நலப் பரிசோதனை மேற்கொள்ளப்பட வேண்டும்.

புகைபிடித்தல்

நுரையீரல் ஆரோக்கியம் பரிசோதிக்கப்பட வேண்டும். அவர்களுக்கு சிலிக்கோசிஸ் (Silicosis) மற்றும் ஹைப்பர் சென்சிட்டிவிட்டி நியூமோனைட்டிஸ் (Hypersensitivity pneumonitis) போன்ற பிரச்னைகளுக்கான அறிகுறிகள் தெரிகின்றனவா என்று பார்க்க வேண்டும்.

அறிகுறிகள் தெரிந்தால் நுரையீரல் திறன் பரிசோதனை

( Pulmonary function tests ) மேற்கொள்ள வேண்டும். நெஞ்சகப் பகுதிக்கான சிடி ஸ்கேன் செய்ய வேண்டும். பாதிப்பு தெரிந்தால் பிரச்னைக்குரிய சூழலில் வேலை பார்ப்பதைக் குறைத்துக்கொள்ளவோ, தவிர்க்கவோ வேண்டும்.நுரையீரலில் படிந்த நச்சை நீக்க சரியான தீர்வு இது மட்டும்தான். சாதாரண மக்கள் என்றால் சூழல் மாசு அதிகமுள்ள நேரங்களில் வாகனங்களில் பயணம் செய்வதைத் தவிர்க்கலாம்.

'ஏர் குவாலிட்டி இண்டெக்ஸ்' எனப்படும் காற்றின் தரத்தை அறிந்து கொள்ளும் வசதி இன்று மொபைல் போனிலேயே இருக்கிறது. குடும்பம் மொத்தமும் அலர்ஜியால் பாதிக்கப்பட்டிருக்கும் நிலையில் காற்றின் தரக்குறியீட்டைத் தெரிந்துகொண்டு வெளியே செல்வதை, குழந்தைகளை வெளியே விளையாட விடுவதை பற்றியெல்லாம் தீர்மானிக்கலாம். இவையெல்லாம் ஓரளவுக்கு உதவுமே தவிர, தீர்வாகாது.

சென்னை போன்ற நகரங்களில் சூழல் மாசு பெரிய பாதிப்புகளை ஏற்படுத்துவதில்லை. அதுவே டெல்லி போன்ற நகரங்களில் காற்றின் தரம் மிக மோசமாக இருப்பதால் அங்கே வசிக்கும் மக்கள் மிகுந்த கவனத்துடன் இருக்க வேண்டும்.

மூச்சுப்பயிற்சி

இவை தவிர, யோகா, மூச்சுப்பயிற்சி, சத்தான உணவுப்பழக்கம்... இவைதான் நுரையீரல் ஆரோக்கியத்துக்கு அடிப்படையே தவிர, நீங்கள் கேள்விப்படுகிற, யூடியூபில் பார்க்கிற நுரையீரல் டீடாக்ஸிஃபிகேஷன் சிகிச்சைகள் மருத்துவர்களால் பரிந்துரைக்கப்படுவதில்லை.

உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.


Labels

Labels:

Comments

Post a Comment

Popular posts from this blog

மரபணு சிகிச்சையில் செவித்திறன் பெற்ற சிறுமி - அனைத்து பரம்பரை நோய்களுக்கும் தீர்வு கிடைக்குமா?

நம் உடல், பல கோடான கோடி செல்களால் ஆனது. இந்தச் செல்களில் சுமார் 22 ஆயிரம் மரபணுக்கள் உள்ளன. பெரும்பாலான செல்களில் உட்கரு உண்டு. இங்குதான் DNA மூலக்கூறுகள் உள்ளன. இந்த DNA மூலக்கூறுகள்தான் இந்த மரபணுத் தகவல்களைச் சுமந்து கொண்டு உள்ளன. இந்த மரபணுக்களின் இயக்கம்தான், நம் இயக்கம். உதாரணமாக, நம் உமிழ் நீரில் அமைலேஸ் என்ற ஒரு நொதி உள்ளது. இந்த நொதிதான் நம் உணவில் உள்ள மாவுப் பொருளைச் சிதைத்து குளுக்கோஸை உற்பத்தி செய்கிறது. இந்த நொதியை உற்பத்தி செய்யத் தேவையான தகவல், AMY1 என்ற மரபணுவில் உள்ளது. இந்த மரபணுவில் உள்ள தகவலின் படிதான் அமைலேஸ் என்ற ஒரு நொதி தயாரிக்கப்படுகிறது. அதாவது, AMY1 என்ற மரபணுவில் ஏதாவது தவறு இருந்தால், அமைலேஸ் என்ற ஒரு நொதி செயலிழக்கும். இந்த நிலையில் உள்ள மரபணு நோயாளி, உணவு சாப்பிட்டால் அவருக்குச் செரிமானமாகாது. மரபணு அதிகரிக்கும் உணவுத் தேவை: தொழில்நுட்பத்தில் தயாராகும் செயற்கை மீன், இறைச்சி... உடலுக்கு நல்லதா..? மரபணுவில் உள்ள தகவலில் தவறு இருந்தால், மரபணு நோய் ஏற்படும். இதனைப் பரம்பரை நோய் எனலாம். காரணம், இந்த நோய் பெற்றோர்கள்/மூதாதையர்களிடமிருந்து பிள்ளைகளுக்கு ...
Post a Comment
Read more

Zhong yang: அதிகாரிகளுடன் முறையற்ற உறவு; முன்னாள் ஆளுநருக்கு 13 ஆண்டுகள் சிறை; பின்னணி என்ன?

சீனாவைச் சேர்ந்த ஜாங் யாங் (Zhong Yang) குக்கு 13 ஆண்டுகள் சிறைத் தண்டனையும், ஒரு மில்லியன் யுவான் (சுமார் ₹1.18 கோடி) அபராதமும் விதித்து சீன நீதிமன்றம் உத்தரவிட்டிருக்கிறது. இவர் ஆளுநராக இருந்தவர். தோற்றம் மற்றும் உடை அலங்காரத்தால் எப்போதும் இளமையாகக் காட்சியளிக்கும் 52 வயதான ஜாங் யாங், மக்களால் 'மிக அழகான ஆளுநர்' எனப் புகழப்படுகிறார். சாதாரணக் குடும்பப் பின்னணியைச் சேர்ந்த இவர், 22 வயதில் கம்யூனிஸ்ட் கட்சியில் இணைந்து செயல்படத் தொடங்கினார்.ஜாங் யாங் தொடர்ந்து அரசியலிலும், பதவிகளிலும் முன்னேறி வந்த இவர் மீது, தனியார் தொழில்துறை நிறுவனங்களுடன் தொழில்முறை ஒப்பந்தங்களில் முறைகேடு செய்ததாக வழக்குத் தொடரப்பட்டது. மேலும், அவருக்குக் கீழ் பணிபுரியும் துணை அதிகாரிகள் 58 பேருடன் முறையற்ற உறவிலிருந்ததாகவும் புகார் அளிக்கப்பட்டது. இதில், சிலர் அவரிடமிருந்து பலனை எதிர்பார்த்தும், பலர் அவரின் அதிகார துஷ்பிரயோகத்துக்குப் பயந்து இதில் ஈடுபட்டுள்ளனர். இவர் குறிவைக்கும் துணை நிலை அதிகாரிகளை, அலுவலகத்தில் அதிக நேரம் வேலை செய்யவைப்பதின் மூலமும், தொழில்முறைப் பயணங்கள் என்ற போர்வையிலும் கட்டாய...
Post a Comment
Read more

Doctor Vikatan: ஒருமுறை heart attack வந்தவர்கள் மீண்டும் வராமல் தடுக்க முடியுமா?

Doctor Vikatan: என் நண்பனுக்கு 52 வயதாகிறது. சமீபத்தில் அவனுக்கு ஹார்ட் அட்டாக் (heart attack) வந்து அதிலிருந்து மீண்டான். ஒருமுறை ஹார்ட் அட்டாக் வந்தால், அது மீண்டும் வருமா.... அப்படி வராமலிருக்க என்னவெல்லாம் செய்ய வேண்டும்? பதில் சொல்கிறார் சென்னையைச் சேர்ந்த, இதயநோய் மருத்துவர் அருண் கல்யாணசுந்தரம். மருத்துவர் அருண் கல்யாணசுந்தரம் ஒருமுறை ஹார்ட் அட்டாக் (heart attack) வந்த எல்லோருக்கும் அது மீண்டும் வந்துதான் ஆக வேண்டும் என்பதில்லை. உங்கள் நண்பரை, மருத்துவர்களுடன் தொடர்பில் இருக்கச் சொல்லுங்கள். உடல்நலம் குறித்துப் பேசும்படியான சப்போர்ட் க்ரூப் அவருக்கு மிக அவசியம். ஹார்ட் அட்டாக் வந்தவர்கள் மட்டுமல்ல, இதய நோய் வரும் ரிஸ்க் பிரிவில் உள்ள எல்லோருமே வாழ்வியல் மாற்றங்களைப் பின்பற்றியே ஆக வேண்டும். உங்கள் நண்பருக்கு மருத்துவர் இது குறித்து நிச்சயம் அறிவுறுத்தியிருப்பார். இதுவரை, அவர் அந்த விஷயங்களைப் பின்பற்றவில்லை என்றாலும், இனிமேலாவது அவசியம் பின்பற்றியே ஆக வேண்டும். அந்த வகையில் உடற்பயிற்சியும் உணவுக்கட்டுப்பாடும் மிகவும் முக்கியம். உடற்பயிற்சி Doctor Vik...
Post a Comment
Read more