Skip to main content

ஒன் பை டூ

தமிழன் பிரசன்னா, செய்தித் தொடர்பு இணைச் செயலாளர், தி.மு.க

``அ.தி.மு.க என்ற கட்சியில் நடக்கும் அவலங்களை `நறுக்’கென்று ஒரே வார்த்தையில் சொல்லியிருக்கிறார் உதயநிதி. பன்னீர்செல்வமும், பழனிசாமியும் தங்களின் நாற்காலி ஆசைக்கு அந்த இயக்கத்தை பலி கொடுத்துக்கொண்டிருக்கிறார்கள். முதலில் ஆட்சியைத் தக்கவைத்துக்கொள்வதற்காக டெல்லிக்கு அடிவருடியானவர்கள், எதிர்க்கட்சியான பிறகு தாங்கள் செய்த ஊழலை மறைக்க ஒன்றிய அரசுக்கு அடிமைச் சேவகம் செய்துகொண்டிருக்கிறார்கள். உண்மையான அ.தி.மு.க தொண்டர்களுக்காக நாங்கள் வருத்தப்படுகிறோம். ஆனானப்பட்ட வாஜ்பாய், அத்வானி தொடங்கி இன்றைய பிரதமர் மோடி வரைக்கும் கூட்டணி விவகாரங்களைப் பேச அம்மையார் ஜெயலலிதாவின் வீட்டுக் கதவு திறக்காதா என்று போயஸ் கார்டனில் காத்திருந்த காட்சியைத்தான் தமிழ்நாடு பார்த்திருக்கிறது. ஆனால் இன்று, கமலாலயம் வாசலில், `நான்... நீ...’ என்று போட்டி போட்டுக்கொண்டு காத்துக்கிடக்கிறார் கள் அ.தி.மு.க-வினர். ஒரு கவுன்சிலரைக்கூட ஜெயிக்க வைக்க வக்கில்லாத அண்ணாமலை என்ற அரைவேக்காடு நபரிடம் ஓர் இடைத்தேர்தலுக்கு ஆதரவு கோரி இவர்கள் நிற்பதைப் பார்க்கும்போது, ‘நக்கிக் குடிப்பார் அதையும் நல்லதென்று சொல்லுவார்’ என்ற வரிகள்தான் நினைவுக்கு வருகின்றன.’’

செ.கிருஷ்ணமுரளி, சட்டமன்ற உறுப்பினர், அ.தி.மு.க

``கோபாலபுரத்தின் கொத்தடிமைக் கூட்டத்தை உருவாக்கியவர்களுக்கு அ.தி.மு.க குறித்துப் பேச என்ன அருகதை இருக்கிறது... தி.மு.க கூட்டத்தை மக்கள் பத்து வருடங்கள் மூலையில் உட்காரவைத்தும் இன்னும் அவர்கள் திருந்தவில்லை. 2016-ம் ஆண்டு சட்டமன்றத் தேர்தலில் ‘பழம் கனிந்துகொண்டிருக்கிறது. பாலில் எப்போது விழும் என்று எதிர்பார்த்துக் காத்திருக்கிறோம்’ எனக் கருணாநிதி சொன்னதும்... விஜயகாந்த் வீட்டுக்குத் தூது மேல் தூது அனுப்பி, பேச்சுவார்த்தை நடத்தியதும்... தே.மு.தி.க-வுடன் கூட்டணிவைக்க தி.மு.க-வினர் கடைசிவரை காத்துக்கிடந்த கதையும் உதயநிதிக்குத் தெரியாதுபோல. அவர் இன்னும் சினிமா உலகத்திலிருந்து வெளியில் வரவில்லை. கைதட்டல் வாங்க வேண்டுமென யாரோ எழுதிக்கொடுத்ததை மேடைகளில் பேசிக்கொண்டிருக்கிறார். தாத்தா, அப்பா, மகன் என வம்சாவளியில் குடும்ப ஆட்சி நடத்திக் கொண்டிருப்பவர்கள், ஜனநாயகக் கட்சியான அ.தி.மு.க-வைக் குறைகூறுவது நகைப்புக்குரியது. தி.மு.க ஆட்சி அமைத்த பிறகு, பட்டத்து இளவரசன் உதயநிதியை அமைச்சர் ஆக்கியது மட்டுமே ஸ்டாலின் அரசின் ஒரே சாதனை. இந்த கொடுங்கோல் ஆட்சி மீதான மக்களின் கோபம், ஈரோடு இடைத்தேர்தலில் வெளிப்படும்.’’


Labels:

Comments

Post a Comment

Popular posts from this blog

Sundar Pichai: "அன்றிலிருந்து என் வாழ்க்கை மாறிவிட்டது!"- கூகுளில் 20 வருடங்கள் கடந்த சுந்தர் பிச்சை

சுந்தர் பிச்சை, தமிழ்நாட்டில் சாதாரணக் குடும்பப் பின்னணியிலிருந்து வந்து இன்று கூகுளின் தலைமைச் செயல் அதிகாரியாக (சிஇஓ) பணியாற்றுபவர். சுந்தர் பிச்சை, சென்னை அசோக் நகர் ஜவஹர் வித்யாலயாவிலும், மெட்ராஸ் ஐ.ஐ.டி-யின் வனவாணி பள்ளியிலும் படித்தார். பின், ஐ.ஐ.டி கரக்பூரில் இன்ஜினீயரிங் படித்தார். அமெரிக்காவில் ஸ்டான்ஃபோர்டு பல்கலைக்கழகத்தில் மாஸ்டர்ஸும், வார்டன் ஸ்கூலில் எம்.பி.ஏ-வும் முடித்தவர், மெக்கன்சியில் புராடெக்ட் மேனேஜ்மென்ட் கன்சல்டன்டாக வேலைக்குச் சேர்ந்தார். பின்னர் தனது காதலியும் மனைவியுமான அஞ்சலியின் மென்பொருள் நிறுவனமான Intuit-ல் வணிக இயக்க மேலாளராகத் தன் கரியரைத் தொடர்ந்தார். அதன்பின் Accenture நிறுவனத்தில் மூன்று ஆண்டுகள் பணிபுரிந்தார். 2004க்குப் பிறகுதான் அவருடைய வாழ்க்கையில் திருப்புமுனை ஆரம்பமானது.சுந்தர் பிச்சை, அஞ்சலி 2004-ல் கூகுள் டூல் பார் (Tool bar) புராடெக்ட் மேனேஜராக வேலைக்குச் சேர்ந்தவர், தன்னுடைய திறமையால் தொடர்ச்சியாக அந்நிறுவனத்தின் அடுத்தடுத்த பதவிகளுக்கு முன்னேறினார். 2015-ல் கூகுளின் தலைமை நிர்வாகியாக உயர்ந்தார். 2019-ல் கூகுளின் தாய் நிறுவனமான Alphabet ...
Post a Comment
Read more

`மூச்சு விடமுடியவில்லை, நிறுத்துங்கள்' - அமெரிக்க போலீஸ் தாக்குதல்... மீண்டும் ஒரு `ஃபிளாய்ட்?’

`Black Lives Matter' என்ற வாசகத்தை எவரும் அவ்வளவு எளிதில் மறந்துவிடமாட்டார்கள். ஒவ்வொருமுறை இனவெறித் தாக்குதல் முறை நடக்கும்போதும் உரிமைக்குரலாக உச்சரிக்கப்படும் இந்த வாசகம், 2020-ல் அமெரிக்காவில் ஜார்ஜ் ஃபிளாய்ட் என்ற ஆப்ரிக்க அமெரிக்கர் ஒருவர் போலீஸ் அதிகாரிகளால் நடுரோட்டில் கொல்லப்பட்ட சம்பவத்துக்கு எதிரான போராட்டங்களின் மூலம் உலகம் முழுவதும் எதிரொலித்தது. இன்றும் பல இனவெறித் தாக்குதலுக்கு எதிராக இது எதிரொலித்துகொண்டே இருக்கிறது.அமெரிக்கா - போராட்டம் இந்த நிலையில், அமெரிக்காவில் மீண்டும் ஒரு ஆப்ரிக்க அமெரிக்கர் போலீஸாரின் தாக்குதலில் கொல்லப்பட்ட சம்பவம் அதிர்ச்சியை ஏற்படுத்தியிருக்கிறது. முன்னதாக, கடந்த 18-ம் தேதி ஒஹாயோ மாகாணத்தில் மின்கம்பத்தின் மீது கார் ஒன்று மோதி விபத்து ஏற்பட்டிருக்கிறது. அப்போது அங்குவந்த போலீஸ் அதிகாரிகளிடம், விபத்து ஏற்படுத்திய நபர் தப்பித்து பாருக்குள் (Bar) ஓடிவிட்டதாக அங்கிருந்தவர்கள் கூறியிருக்கின்றனர். அதைத்தொடர்ந்து, பாருக்குள் சென்ற போலீஸ் அதிகாரிகள் சந்தேகத்தின் பேரில் பிராங்க் டைசன் எனும் 53 வயது ஆப்ரிக்க அமெரிக்க நபரை வலுக்கட்டாயமாக இழுத்து,...
Post a Comment
Read more

மரபணு சிகிச்சையில் செவித்திறன் பெற்ற சிறுமி - அனைத்து பரம்பரை நோய்களுக்கும் தீர்வு கிடைக்குமா?

நம் உடல், பல கோடான கோடி செல்களால் ஆனது. இந்தச் செல்களில் சுமார் 22 ஆயிரம் மரபணுக்கள் உள்ளன. பெரும்பாலான செல்களில் உட்கரு உண்டு. இங்குதான் DNA மூலக்கூறுகள் உள்ளன. இந்த DNA மூலக்கூறுகள்தான் இந்த மரபணுத் தகவல்களைச் சுமந்து கொண்டு உள்ளன. இந்த மரபணுக்களின் இயக்கம்தான், நம் இயக்கம். உதாரணமாக, நம் உமிழ் நீரில் அமைலேஸ் என்ற ஒரு நொதி உள்ளது. இந்த நொதிதான் நம் உணவில் உள்ள மாவுப் பொருளைச் சிதைத்து குளுக்கோஸை உற்பத்தி செய்கிறது. இந்த நொதியை உற்பத்தி செய்யத் தேவையான தகவல், AMY1 என்ற மரபணுவில் உள்ளது. இந்த மரபணுவில் உள்ள தகவலின் படிதான் அமைலேஸ் என்ற ஒரு நொதி தயாரிக்கப்படுகிறது. அதாவது, AMY1 என்ற மரபணுவில் ஏதாவது தவறு இருந்தால், அமைலேஸ் என்ற ஒரு நொதி செயலிழக்கும். இந்த நிலையில் உள்ள மரபணு நோயாளி, உணவு சாப்பிட்டால் அவருக்குச் செரிமானமாகாது. மரபணு அதிகரிக்கும் உணவுத் தேவை: தொழில்நுட்பத்தில் தயாராகும் செயற்கை மீன், இறைச்சி... உடலுக்கு நல்லதா..? மரபணுவில் உள்ள தகவலில் தவறு இருந்தால், மரபணு நோய் ஏற்படும். இதனைப் பரம்பரை நோய் எனலாம். காரணம், இந்த நோய் பெற்றோர்கள்/மூதாதையர்களிடமிருந்து பிள்ளைகளுக்கு ...
Post a Comment
Read more