Skip to main content

Doctor Vikatan: பட்டாசுத்துகள் கண்களில் பட்டால் ஆபத்தா? பாதுகாப்பு வழிகள்... தீர்வுகள் என்ன?

Doctor Vikatan: வருடந்தோறும் பட்டாசு வெடிக்கும்போது ஏதேனும் ஒரு காயம் படுவதைத் தவிர்க்க முடியாதுதான். மற்ற காயங்கள் ஒன்றிரண்டு நாள்களில் குணமாகிவிடும். கண்களில் ஏற்படும் காயங்கள்தான் பயமுறுத்துகின்றன. பட்டாசுப் புகையோ, துகளோ கண்களில் படுவது என்பது அவ்வளவு பெரிய பிரச்னையை ஏற்படுத்துமா... இதிலிருந்து தற்காத்துக்கொள்வது எப்படி?

பதில் சொல்கிறார் சென்னையைச் சேர்ந்த கண் மருத்துவர் விஜய் ஷங்கர்.    

விஜய் ஷங்கர்

மற்ற எந்த நாள்களைவிடவும் தீபாவளிக்கு முந்தைய நாள் மற்றும் அடுத்தடுத்த நாள்களில் கண் மருத்துவர்களிடம் சிகிச்சைக்கு வருவோர் எண்ணிக்கை சற்று அதிகமிருக்கும். பட்டாசு வெடித்ததால் கண்களில் காயம்பட்டதாகச் சொல்லிக்கொண்டு வருவார்கள். சாதாரணமாக கண்கள் சிவப்பதில் தொடங்கி, விழித்திரை பாதிப்பு வரை இதன் விளைவு எப்படி வேண்டுமானாலும் இருக்கலாம்.

பட்டாசு, வெடிகளை வெடிப்பதற்கு முன் கவனமாக இருக்க வேண்டிய விஷயங்களை, விபத்துகளைத் தவிர்க்கும் வழிகளை முதலில் தெரிந்துகொள்ளுங்கள். காலங்காலமாகச் சொல்லப்படுகிற அறிவுரைகள்தான் என்றாலும், ஒவ்வொரு வருடமும் அந்த அறிவுரைகள் தேவையாக இருக்கின்றன. முதல் விஷயம், எந்தப் பட்டாசை வெடிப்பதாக, கொளுத்துவதாக இருந்தாலும் மிக அருகில் நின்று கொளுத்தாதீர்கள். நீளமான வத்தி பயன்படுத்தி பாதுகாப்பான இடைவெளியைப் பின்பற்றி பட்டாசு வெடிப்பதை உறுதிபடுத்துங்கள்.

கண்ணாடி அணிபவரோ, அணியாதவரோ, பட்டாசு வெடிக்கும்போது பாதுகாப்புக்காக கண்ணாடி அணிவதை வழக்கமாக வைத்துக்கொள்ளலாம். தீப்பொறி, பட்டாசுத் துகள் போன்றவை உங்கள் கண்களில் விழுவதிலிருந்து இது உங்களைப் பாதுகாக்கும். கான்டாக்ட் லென்ஸ் அணியும் வழக்கம் உள்ளவர்கள், பட்டாசு வெடிக்கும்போது  அதைத் தவிர்த்துவிடுங்கள். லென்ஸை கழற்றிவைத்துவிடுங்கள். லென்ஸ் அணிந்திருக்கும் நிலையில் கண்களில் பட்டாசுப் புகையோ, துகளோ, தீப்பொறியோ பட்டால் கண்கள் சிவப்பது, எரிச்சல் என பிரச்னை இன்னும் தீவிரமாகலாம்.

பட்டாசு

குழந்தைகளைத் தனியே பட்டாசு வெடிக்க அனுமதிக்காமல் பெரியவர்கள் யாராவது அருகில் இருப்பது பாதுகாப்பானது. இவற்றையெல்லாம் பின்பற்றியும் எதிர்பாராத விதமாக கண்களில் பட்டாசு வெடித்துக் காயம் பட்டால், கண்களைக் கசக்குவது, அழுத்துவது போன்றவற்றைச் செய்யாதீர்கள். உடனடியாக கண் மருத்துவரை அணுகுங்கள். எப்படிப்பட்ட பாதிப்பு என்பதை அவர் சரியாகப் பார்த்து சிகிச்சை வழங்குவார்.

கண்களில் பட்டாசுக் காயம் ஏற்படுவதை அலட்சியமாக நினைக்காதீர்கள். பட்டாசுத்துகள் கண்களுக்குள் போவதால், கருவிழிகள் புண்ணாவது முதல் விழித்திரை பாதிப்புவரை பல பிரச்னைகள் வரலாம் என்பதால் கவனமாக இருங்கள்.

உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.


Labels:

Comments

Post a Comment

Popular posts from this blog

Sundar Pichai: "அன்றிலிருந்து என் வாழ்க்கை மாறிவிட்டது!"- கூகுளில் 20 வருடங்கள் கடந்த சுந்தர் பிச்சை

சுந்தர் பிச்சை, தமிழ்நாட்டில் சாதாரணக் குடும்பப் பின்னணியிலிருந்து வந்து இன்று கூகுளின் தலைமைச் செயல் அதிகாரியாக (சிஇஓ) பணியாற்றுபவர். சுந்தர் பிச்சை, சென்னை அசோக் நகர் ஜவஹர் வித்யாலயாவிலும், மெட்ராஸ் ஐ.ஐ.டி-யின் வனவாணி பள்ளியிலும் படித்தார். பின், ஐ.ஐ.டி கரக்பூரில் இன்ஜினீயரிங் படித்தார். அமெரிக்காவில் ஸ்டான்ஃபோர்டு பல்கலைக்கழகத்தில் மாஸ்டர்ஸும், வார்டன் ஸ்கூலில் எம்.பி.ஏ-வும் முடித்தவர், மெக்கன்சியில் புராடெக்ட் மேனேஜ்மென்ட் கன்சல்டன்டாக வேலைக்குச் சேர்ந்தார். பின்னர் தனது காதலியும் மனைவியுமான அஞ்சலியின் மென்பொருள் நிறுவனமான Intuit-ல் வணிக இயக்க மேலாளராகத் தன் கரியரைத் தொடர்ந்தார். அதன்பின் Accenture நிறுவனத்தில் மூன்று ஆண்டுகள் பணிபுரிந்தார். 2004க்குப் பிறகுதான் அவருடைய வாழ்க்கையில் திருப்புமுனை ஆரம்பமானது.சுந்தர் பிச்சை, அஞ்சலி 2004-ல் கூகுள் டூல் பார் (Tool bar) புராடெக்ட் மேனேஜராக வேலைக்குச் சேர்ந்தவர், தன்னுடைய திறமையால் தொடர்ச்சியாக அந்நிறுவனத்தின் அடுத்தடுத்த பதவிகளுக்கு முன்னேறினார். 2015-ல் கூகுளின் தலைமை நிர்வாகியாக உயர்ந்தார். 2019-ல் கூகுளின் தாய் நிறுவனமான Alphabet ...
Post a Comment
Read more

`மூச்சு விடமுடியவில்லை, நிறுத்துங்கள்' - அமெரிக்க போலீஸ் தாக்குதல்... மீண்டும் ஒரு `ஃபிளாய்ட்?’

`Black Lives Matter' என்ற வாசகத்தை எவரும் அவ்வளவு எளிதில் மறந்துவிடமாட்டார்கள். ஒவ்வொருமுறை இனவெறித் தாக்குதல் முறை நடக்கும்போதும் உரிமைக்குரலாக உச்சரிக்கப்படும் இந்த வாசகம், 2020-ல் அமெரிக்காவில் ஜார்ஜ் ஃபிளாய்ட் என்ற ஆப்ரிக்க அமெரிக்கர் ஒருவர் போலீஸ் அதிகாரிகளால் நடுரோட்டில் கொல்லப்பட்ட சம்பவத்துக்கு எதிரான போராட்டங்களின் மூலம் உலகம் முழுவதும் எதிரொலித்தது. இன்றும் பல இனவெறித் தாக்குதலுக்கு எதிராக இது எதிரொலித்துகொண்டே இருக்கிறது.அமெரிக்கா - போராட்டம் இந்த நிலையில், அமெரிக்காவில் மீண்டும் ஒரு ஆப்ரிக்க அமெரிக்கர் போலீஸாரின் தாக்குதலில் கொல்லப்பட்ட சம்பவம் அதிர்ச்சியை ஏற்படுத்தியிருக்கிறது. முன்னதாக, கடந்த 18-ம் தேதி ஒஹாயோ மாகாணத்தில் மின்கம்பத்தின் மீது கார் ஒன்று மோதி விபத்து ஏற்பட்டிருக்கிறது. அப்போது அங்குவந்த போலீஸ் அதிகாரிகளிடம், விபத்து ஏற்படுத்திய நபர் தப்பித்து பாருக்குள் (Bar) ஓடிவிட்டதாக அங்கிருந்தவர்கள் கூறியிருக்கின்றனர். அதைத்தொடர்ந்து, பாருக்குள் சென்ற போலீஸ் அதிகாரிகள் சந்தேகத்தின் பேரில் பிராங்க் டைசன் எனும் 53 வயது ஆப்ரிக்க அமெரிக்க நபரை வலுக்கட்டாயமாக இழுத்து,...
Post a Comment
Read more

மரபணு சிகிச்சையில் செவித்திறன் பெற்ற சிறுமி - அனைத்து பரம்பரை நோய்களுக்கும் தீர்வு கிடைக்குமா?

நம் உடல், பல கோடான கோடி செல்களால் ஆனது. இந்தச் செல்களில் சுமார் 22 ஆயிரம் மரபணுக்கள் உள்ளன. பெரும்பாலான செல்களில் உட்கரு உண்டு. இங்குதான் DNA மூலக்கூறுகள் உள்ளன. இந்த DNA மூலக்கூறுகள்தான் இந்த மரபணுத் தகவல்களைச் சுமந்து கொண்டு உள்ளன. இந்த மரபணுக்களின் இயக்கம்தான், நம் இயக்கம். உதாரணமாக, நம் உமிழ் நீரில் அமைலேஸ் என்ற ஒரு நொதி உள்ளது. இந்த நொதிதான் நம் உணவில் உள்ள மாவுப் பொருளைச் சிதைத்து குளுக்கோஸை உற்பத்தி செய்கிறது. இந்த நொதியை உற்பத்தி செய்யத் தேவையான தகவல், AMY1 என்ற மரபணுவில் உள்ளது. இந்த மரபணுவில் உள்ள தகவலின் படிதான் அமைலேஸ் என்ற ஒரு நொதி தயாரிக்கப்படுகிறது. அதாவது, AMY1 என்ற மரபணுவில் ஏதாவது தவறு இருந்தால், அமைலேஸ் என்ற ஒரு நொதி செயலிழக்கும். இந்த நிலையில் உள்ள மரபணு நோயாளி, உணவு சாப்பிட்டால் அவருக்குச் செரிமானமாகாது. மரபணு அதிகரிக்கும் உணவுத் தேவை: தொழில்நுட்பத்தில் தயாராகும் செயற்கை மீன், இறைச்சி... உடலுக்கு நல்லதா..? மரபணுவில் உள்ள தகவலில் தவறு இருந்தால், மரபணு நோய் ஏற்படும். இதனைப் பரம்பரை நோய் எனலாம். காரணம், இந்த நோய் பெற்றோர்கள்/மூதாதையர்களிடமிருந்து பிள்ளைகளுக்கு ...
Post a Comment
Read more