Skip to main content

Doctor Vikatan: சாப்பிட அடம்பிடிக்கும் பிள்ளைகள்... டொமேட்டோ சாஸ், கெட்ச்சப் கொடுப்பது சரியா?

Doctor Vikatan: என்னுடைய பிள்ளைகள் இட்லி, தோசை, சப்பாத்தி என எல்லாவற்றுக்கும் ஏதேனும் ஒரு சாஸ் இருந்தால்தான் சாப்பிடுகிறார்கள். தக்காளி சாஸ், கெட்ச்சப்,கொடுப்பது சரியானதா...? சோயா சாஸ் சேர்த்த சமையல் ஆரோக்கியமானதா?

பதில் சொல்கிறார் பெங்களூரைச் சேர்ந்த கிளினிகல் டயட்டீஷியன் மற்றும் வெல்னெஸ் நியூட்ரிஷனிஸ்ட் ஸ்ரீமதி வெங்கட்ராமன்.

ஸ்ரீமதி வெங்கட்ராமன்

இதுபோன்ற சாஸ் வகைகளில் சோடியம் அளவு மிக அதிகம். குறிப்பாக சோயா சாஸில் 100 கிராமுக்கு ஐயாயிரம் மில்லிகிராமுக்கு அதிகமான சோடியம் இருக்கும். உலக சுகாதார நிறுவனம் நமக்கு ஒருநாளைக்கு 2300 மில்லிகிராம் அல்லது 5 கிராம் சோடியம் போதுமானது என பரிந்துரைக்கிறது. அப்படியென்றால் இந்த சாஸ்களின் மூலம் நம் உடலில் சேரும் சோடியத்தின் அளவைக் கணக்கிட்டுப் பாருங்கள்.

இந்த சாஸ் வகைகளில் சோடியம் மட்டுமன்றி, நிறமிகள், ப்ரிசர்வேட்டிவ் போன்றவையும் அதிகம் சேர்க்கப்படுகின்றன. பச்சைமிளகாயை அரைத்து அப்படியே வைத்துப் பாருங்கள்..... ஒன்றிரண்டு நாள்களில் அதன் நிறம் மாறிவிடும்.... பூசணம் பிடிக்கும். எனவே கடைகளில் விற்கப்படும் சாஸ்கள் நீண்டகாலத்துக்கு கெட்டுப்போகாமலிருக்க ஏகப்பட்ட கெமிக்கல்கள் சேர்க்கப்படுகின்றன.

குழந்தைகளுக்கு இட்லி, தோசை, பிரெட் என எல்லாவற்றுடனும் சாஸ் கொடுப்பது குறித்து எத்தனையோ விளம்பரங்கள் வருகின்றன. அவற்றைப் பார்த்து அப்படியே சாப்பிட்டு வளரும் குழந்தைகளுக்கு சிறு வயதிலிருந்தே அளவுக்கதிக உப்பு, நிறமி என தேவையற்ற ரசாயனங்கள் உடலில் சேர்கின்றன. ஒரு கட்டத்தில் ஆரோக்கியமான உணவுகளும் குழந்தைகளுக்குப் பிடிக்காமல் போகின்றன. பிறகு குழந்தைகளின் உணவுப்பழக்கத்தைக் குறைசொல்வது எந்த வகையில் நியாயம? பெற்றோர் பழக்காமல் பிள்ளைகளுக்கு இவற்றின் சுவை பழகுவதில்லையே.

டொமேட்டோ சாஸ்

வாரத்துக்கு ஒன்றிரண்டு நாள்கள்தான் சாப்பிடுகிறார்கள் என்றாலும் இதுபோன்ற சாஸ் வகைகளில் உள்ள அதிகப்படியான சோடியம், நிறமி மற்றும் ப்ரிசர்வேட்டிவ்ஸ் போன்றவை அவர்களின் ஆரோக்கியத்துக்கு ஆபத்தானவைதான். சாஸ் வகைகளிலேயே சோயா சாஸில்தான் அதிகப்பட்ட சோடியம் இருக்கிறது. அதை ஃப்ரைடு ரைஸ் உள்ளிட்ட பல உணவுகளில் சேர்க்கிறார்கள். கடைகளில் கிடைக்கும் அதே சுவை வேண்டும் என்பதற்காக வீட்டிலும் பலரும் இந்த வகை சாஸ் சேர்த்துச் சமைக்கிறார்கள். இது மிகவும் தவறு.

சோடியம் குறைவான 'லோ சோடியம்' சாஸ் வகைகள் கிடைக்கின்றன. அவையுமே ஆரோக்கியத்துக்கு ஏற்றவையல்ல. மூன்று மாதங்களுக்கொரு முறை இவற்றைச் சாப்பிடுவதில் தவறில்லை. அடிக்கடி சாப்பிடுவது ஆபத்தானது.

இளவயது உடல்பருமன், உயர் ரத்த அழுத்தம், மாரடைப்பு, செரிமானமின்மை, குடல் பாதிப்புகள் என பல ஆபத்துகளை இதன் மூலம் நீங்களாகவே தேடிக் கொள்கிறீர்கள்.

உடல் பருமன்

எனவே இதுபோன்ற சுவைகளுக்கு குழந்தைகளைப் பழக்கமாமல் நம் பாரம்பர்ய உணவுகளைக் கொடுத்து ஆரோக்கியத்தை உறுதிசெய்யுங்கள்.

உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.


Labels

Labels:

Comments

Post a Comment

Popular posts from this blog

Zhong yang: அதிகாரிகளுடன் முறையற்ற உறவு; முன்னாள் ஆளுநருக்கு 13 ஆண்டுகள் சிறை; பின்னணி என்ன?

சீனாவைச் சேர்ந்த ஜாங் யாங் (Zhong Yang) குக்கு 13 ஆண்டுகள் சிறைத் தண்டனையும், ஒரு மில்லியன் யுவான் (சுமார் ₹1.18 கோடி) அபராதமும் விதித்து சீன நீதிமன்றம் உத்தரவிட்டிருக்கிறது. இவர் ஆளுநராக இருந்தவர். தோற்றம் மற்றும் உடை அலங்காரத்தால் எப்போதும் இளமையாகக் காட்சியளிக்கும் 52 வயதான ஜாங் யாங், மக்களால் 'மிக அழகான ஆளுநர்' எனப் புகழப்படுகிறார். சாதாரணக் குடும்பப் பின்னணியைச் சேர்ந்த இவர், 22 வயதில் கம்யூனிஸ்ட் கட்சியில் இணைந்து செயல்படத் தொடங்கினார்.ஜாங் யாங் தொடர்ந்து அரசியலிலும், பதவிகளிலும் முன்னேறி வந்த இவர் மீது, தனியார் தொழில்துறை நிறுவனங்களுடன் தொழில்முறை ஒப்பந்தங்களில் முறைகேடு செய்ததாக வழக்குத் தொடரப்பட்டது. மேலும், அவருக்குக் கீழ் பணிபுரியும் துணை அதிகாரிகள் 58 பேருடன் முறையற்ற உறவிலிருந்ததாகவும் புகார் அளிக்கப்பட்டது. இதில், சிலர் அவரிடமிருந்து பலனை எதிர்பார்த்தும், பலர் அவரின் அதிகார துஷ்பிரயோகத்துக்குப் பயந்து இதில் ஈடுபட்டுள்ளனர். இவர் குறிவைக்கும் துணை நிலை அதிகாரிகளை, அலுவலகத்தில் அதிக நேரம் வேலை செய்யவைப்பதின் மூலமும், தொழில்முறைப் பயணங்கள் என்ற போர்வையிலும் கட்டாய...
Post a Comment
Read more

மரபணு சிகிச்சையில் செவித்திறன் பெற்ற சிறுமி - அனைத்து பரம்பரை நோய்களுக்கும் தீர்வு கிடைக்குமா?

நம் உடல், பல கோடான கோடி செல்களால் ஆனது. இந்தச் செல்களில் சுமார் 22 ஆயிரம் மரபணுக்கள் உள்ளன. பெரும்பாலான செல்களில் உட்கரு உண்டு. இங்குதான் DNA மூலக்கூறுகள் உள்ளன. இந்த DNA மூலக்கூறுகள்தான் இந்த மரபணுத் தகவல்களைச் சுமந்து கொண்டு உள்ளன. இந்த மரபணுக்களின் இயக்கம்தான், நம் இயக்கம். உதாரணமாக, நம் உமிழ் நீரில் அமைலேஸ் என்ற ஒரு நொதி உள்ளது. இந்த நொதிதான் நம் உணவில் உள்ள மாவுப் பொருளைச் சிதைத்து குளுக்கோஸை உற்பத்தி செய்கிறது. இந்த நொதியை உற்பத்தி செய்யத் தேவையான தகவல், AMY1 என்ற மரபணுவில் உள்ளது. இந்த மரபணுவில் உள்ள தகவலின் படிதான் அமைலேஸ் என்ற ஒரு நொதி தயாரிக்கப்படுகிறது. அதாவது, AMY1 என்ற மரபணுவில் ஏதாவது தவறு இருந்தால், அமைலேஸ் என்ற ஒரு நொதி செயலிழக்கும். இந்த நிலையில் உள்ள மரபணு நோயாளி, உணவு சாப்பிட்டால் அவருக்குச் செரிமானமாகாது. மரபணு அதிகரிக்கும் உணவுத் தேவை: தொழில்நுட்பத்தில் தயாராகும் செயற்கை மீன், இறைச்சி... உடலுக்கு நல்லதா..? மரபணுவில் உள்ள தகவலில் தவறு இருந்தால், மரபணு நோய் ஏற்படும். இதனைப் பரம்பரை நோய் எனலாம். காரணம், இந்த நோய் பெற்றோர்கள்/மூதாதையர்களிடமிருந்து பிள்ளைகளுக்கு ...
Post a Comment
Read more

Doctor Vikatan: ஒருமுறை heart attack வந்தவர்கள் மீண்டும் வராமல் தடுக்க முடியுமா?

Doctor Vikatan: என் நண்பனுக்கு 52 வயதாகிறது. சமீபத்தில் அவனுக்கு ஹார்ட் அட்டாக் (heart attack) வந்து அதிலிருந்து மீண்டான். ஒருமுறை ஹார்ட் அட்டாக் வந்தால், அது மீண்டும் வருமா.... அப்படி வராமலிருக்க என்னவெல்லாம் செய்ய வேண்டும்? பதில் சொல்கிறார் சென்னையைச் சேர்ந்த, இதயநோய் மருத்துவர் அருண் கல்யாணசுந்தரம். மருத்துவர் அருண் கல்யாணசுந்தரம் ஒருமுறை ஹார்ட் அட்டாக் (heart attack) வந்த எல்லோருக்கும் அது மீண்டும் வந்துதான் ஆக வேண்டும் என்பதில்லை. உங்கள் நண்பரை, மருத்துவர்களுடன் தொடர்பில் இருக்கச் சொல்லுங்கள். உடல்நலம் குறித்துப் பேசும்படியான சப்போர்ட் க்ரூப் அவருக்கு மிக அவசியம். ஹார்ட் அட்டாக் வந்தவர்கள் மட்டுமல்ல, இதய நோய் வரும் ரிஸ்க் பிரிவில் உள்ள எல்லோருமே வாழ்வியல் மாற்றங்களைப் பின்பற்றியே ஆக வேண்டும். உங்கள் நண்பருக்கு மருத்துவர் இது குறித்து நிச்சயம் அறிவுறுத்தியிருப்பார். இதுவரை, அவர் அந்த விஷயங்களைப் பின்பற்றவில்லை என்றாலும், இனிமேலாவது அவசியம் பின்பற்றியே ஆக வேண்டும். அந்த வகையில் உடற்பயிற்சியும் உணவுக்கட்டுப்பாடும் மிகவும் முக்கியம். உடற்பயிற்சி Doctor Vik...
Post a Comment
Read more