Skip to main content

Doctor Vikatan: அந்தரங்க உறுப்பில் அரிப்பு... குடும்பத்தில் அனைவருக்கும் பரவுவது ஏன்?

Doctor Vikatan: எங்கள் வீட்டில் உள்ள அனைவருக்கும் அடிக்கடி அந்தரங்க உறுப்புத் தொற்று வருகிறது. அரிப்பு, புண்ணாவது என அவதிப்படுகிறார்கள். ஒருவருக்கு வந்தால் இது மற்றவர்களுக்கும் பரவுமா? துணிகளை வெந்நீரில் அலசினால் இந்தப் பிரச்னை வராமல் தடுக்க முடியுமா? கேண்டிட் பவுடர் உபயோகிப்பது சரியானதா?

பதில் சொல்கிறார் சென்னையைச் சேர்ந்த தொற்றுநோய் சிகிச்சை சிறப்பு மருத்துவர் விஜயலட்சுமி பாலகிருஷ்ணன்.

தொற்றுநோய் சிகிச்சை சிறப்பு மருத்துவர் விஜயலட்சுமி பாலகிருஷ்ணன் | சென்னை

அந்தரங்க உறுப்பில் அரிப்பு என்பது பொதுவாக பூஞ்சைத் தொற்றின் (fungal infection) அறிகுறியாக இருக்கலாம். அது ஒருவரிடமிருந்து மற்றவருக்குப் பரவும். ஊசிப்புழுக்கள் அல்லது நூல் புழுக்கள் (Pinworm) என்பவை தொற்றினாலும் அதன் காரணமாக அரிப்பும் அது மற்றவருக்குப் பரவுவதும் இருக்கும். இந்தப் புழுக்கள் நம் குடல் பகுதியில் இருக்கும். குட்டிக்குட்டியாக இருக்கும் இவை நம் உள்ளாடைகளில், படுக்கை விரிப்புகளில், டவல்களில் இருக்கும். ஒருவரிடமிருந்து மற்றவருக்குப் பரவிக்கொண்டே இருக்கும்.

நீங்கள் உபயோகிக்கிற டிடெர்ஜென்ட் கூட உங்களுக்கும் உங்கள் குடும்பத்தாருக்கும் ஒவ்வாமையை ஏற்படுத்தலாம். அதன் காரணமாகவும் அரிப்பு ஏற்படலாம். ஒருவருக்கு அரிப்பு வருகிறது என்றால் அவரை நேரில் பார்த்து, அறிகுறிகளையும் பிற தகவல்களையும் கேட்டறிந்தால்தான் சரியான சிகிச்சையைப் பரிந்துரைக்க முடியும். குடும்பத்தில் ஒருவரிடமிருந்து மற்றவருக்குப் பரவும் அரிப்புக்கு பிரதான காரணம் பூஞ்சைத் தொற்று என்றாலும் எப்போதும் அதையே காரணமாகக் கருத முடியாது.

இவை தவிர ஸ்கேபிஸ் எனப்படும் பூச்சித்தொற்றும் அரிப்புக்கு காரணமாகலாம். இது பாதித்தால் சருமத்தில் குட்டிக்குட்டி கொப்புளங்களும் அரிப்பும் ஏற்படும்.

படுக்கை, தலையணை

எனவே அரிப்புக்கான காரணம் தெரியாமல் நீங்கள் கேட்டதுபோல ஏதோ ஒரு பவுடரையோ, ஆயின்மென்ட்டையோ உபயோகிப்பது சரியான தீர்வாகாது.

துணிகளை வெந்நீரில் அலசுவதும் வெயிலில் உலர்த்துவதும் மட்டுமே இந்தப் பிரச்னைக்கான தீர்வாகாது. முதலில் பிரச்னைக்கான காரணம் அறிந்து, சிகிச்சையை எடுங்கள். கூடவே உள்ளாடைகளை வெந்நீரில் அலசி, வெயிலில் உலர்த்துவதையெல்லாம் செய்யலாம்.

உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.


Labels:

Comments

Post a Comment

Popular posts from this blog

Sundar Pichai: "அன்றிலிருந்து என் வாழ்க்கை மாறிவிட்டது!"- கூகுளில் 20 வருடங்கள் கடந்த சுந்தர் பிச்சை

சுந்தர் பிச்சை, தமிழ்நாட்டில் சாதாரணக் குடும்பப் பின்னணியிலிருந்து வந்து இன்று கூகுளின் தலைமைச் செயல் அதிகாரியாக (சிஇஓ) பணியாற்றுபவர். சுந்தர் பிச்சை, சென்னை அசோக் நகர் ஜவஹர் வித்யாலயாவிலும், மெட்ராஸ் ஐ.ஐ.டி-யின் வனவாணி பள்ளியிலும் படித்தார். பின், ஐ.ஐ.டி கரக்பூரில் இன்ஜினீயரிங் படித்தார். அமெரிக்காவில் ஸ்டான்ஃபோர்டு பல்கலைக்கழகத்தில் மாஸ்டர்ஸும், வார்டன் ஸ்கூலில் எம்.பி.ஏ-வும் முடித்தவர், மெக்கன்சியில் புராடெக்ட் மேனேஜ்மென்ட் கன்சல்டன்டாக வேலைக்குச் சேர்ந்தார். பின்னர் தனது காதலியும் மனைவியுமான அஞ்சலியின் மென்பொருள் நிறுவனமான Intuit-ல் வணிக இயக்க மேலாளராகத் தன் கரியரைத் தொடர்ந்தார். அதன்பின் Accenture நிறுவனத்தில் மூன்று ஆண்டுகள் பணிபுரிந்தார். 2004க்குப் பிறகுதான் அவருடைய வாழ்க்கையில் திருப்புமுனை ஆரம்பமானது.சுந்தர் பிச்சை, அஞ்சலி 2004-ல் கூகுள் டூல் பார் (Tool bar) புராடெக்ட் மேனேஜராக வேலைக்குச் சேர்ந்தவர், தன்னுடைய திறமையால் தொடர்ச்சியாக அந்நிறுவனத்தின் அடுத்தடுத்த பதவிகளுக்கு முன்னேறினார். 2015-ல் கூகுளின் தலைமை நிர்வாகியாக உயர்ந்தார். 2019-ல் கூகுளின் தாய் நிறுவனமான Alphabet ...
Post a Comment
Read more

`மூச்சு விடமுடியவில்லை, நிறுத்துங்கள்' - அமெரிக்க போலீஸ் தாக்குதல்... மீண்டும் ஒரு `ஃபிளாய்ட்?’

`Black Lives Matter' என்ற வாசகத்தை எவரும் அவ்வளவு எளிதில் மறந்துவிடமாட்டார்கள். ஒவ்வொருமுறை இனவெறித் தாக்குதல் முறை நடக்கும்போதும் உரிமைக்குரலாக உச்சரிக்கப்படும் இந்த வாசகம், 2020-ல் அமெரிக்காவில் ஜார்ஜ் ஃபிளாய்ட் என்ற ஆப்ரிக்க அமெரிக்கர் ஒருவர் போலீஸ் அதிகாரிகளால் நடுரோட்டில் கொல்லப்பட்ட சம்பவத்துக்கு எதிரான போராட்டங்களின் மூலம் உலகம் முழுவதும் எதிரொலித்தது. இன்றும் பல இனவெறித் தாக்குதலுக்கு எதிராக இது எதிரொலித்துகொண்டே இருக்கிறது.அமெரிக்கா - போராட்டம் இந்த நிலையில், அமெரிக்காவில் மீண்டும் ஒரு ஆப்ரிக்க அமெரிக்கர் போலீஸாரின் தாக்குதலில் கொல்லப்பட்ட சம்பவம் அதிர்ச்சியை ஏற்படுத்தியிருக்கிறது. முன்னதாக, கடந்த 18-ம் தேதி ஒஹாயோ மாகாணத்தில் மின்கம்பத்தின் மீது கார் ஒன்று மோதி விபத்து ஏற்பட்டிருக்கிறது. அப்போது அங்குவந்த போலீஸ் அதிகாரிகளிடம், விபத்து ஏற்படுத்திய நபர் தப்பித்து பாருக்குள் (Bar) ஓடிவிட்டதாக அங்கிருந்தவர்கள் கூறியிருக்கின்றனர். அதைத்தொடர்ந்து, பாருக்குள் சென்ற போலீஸ் அதிகாரிகள் சந்தேகத்தின் பேரில் பிராங்க் டைசன் எனும் 53 வயது ஆப்ரிக்க அமெரிக்க நபரை வலுக்கட்டாயமாக இழுத்து,...
Post a Comment
Read more

மரபணு சிகிச்சையில் செவித்திறன் பெற்ற சிறுமி - அனைத்து பரம்பரை நோய்களுக்கும் தீர்வு கிடைக்குமா?

நம் உடல், பல கோடான கோடி செல்களால் ஆனது. இந்தச் செல்களில் சுமார் 22 ஆயிரம் மரபணுக்கள் உள்ளன. பெரும்பாலான செல்களில் உட்கரு உண்டு. இங்குதான் DNA மூலக்கூறுகள் உள்ளன. இந்த DNA மூலக்கூறுகள்தான் இந்த மரபணுத் தகவல்களைச் சுமந்து கொண்டு உள்ளன. இந்த மரபணுக்களின் இயக்கம்தான், நம் இயக்கம். உதாரணமாக, நம் உமிழ் நீரில் அமைலேஸ் என்ற ஒரு நொதி உள்ளது. இந்த நொதிதான் நம் உணவில் உள்ள மாவுப் பொருளைச் சிதைத்து குளுக்கோஸை உற்பத்தி செய்கிறது. இந்த நொதியை உற்பத்தி செய்யத் தேவையான தகவல், AMY1 என்ற மரபணுவில் உள்ளது. இந்த மரபணுவில் உள்ள தகவலின் படிதான் அமைலேஸ் என்ற ஒரு நொதி தயாரிக்கப்படுகிறது. அதாவது, AMY1 என்ற மரபணுவில் ஏதாவது தவறு இருந்தால், அமைலேஸ் என்ற ஒரு நொதி செயலிழக்கும். இந்த நிலையில் உள்ள மரபணு நோயாளி, உணவு சாப்பிட்டால் அவருக்குச் செரிமானமாகாது. மரபணு அதிகரிக்கும் உணவுத் தேவை: தொழில்நுட்பத்தில் தயாராகும் செயற்கை மீன், இறைச்சி... உடலுக்கு நல்லதா..? மரபணுவில் உள்ள தகவலில் தவறு இருந்தால், மரபணு நோய் ஏற்படும். இதனைப் பரம்பரை நோய் எனலாம். காரணம், இந்த நோய் பெற்றோர்கள்/மூதாதையர்களிடமிருந்து பிள்ளைகளுக்கு ...
Post a Comment
Read more