Skip to main content

Doctor Vikatan: அடிக்கடி வரும் நெஞ்சுவலி... அசிடிட்டி காரணமாகுமா?

Doctor Vikatan: எனக்கு வயது 53. அடிக்கடி நெஞ்சுவலியும் முதுகுவலியும் வருகிறது. ஒவ்வொரு முறையும் அது ஹார்ட் அட்டாக்காக இருக்குமோ என பயப்படுகிறேன். மருத்துவரைப் பார்த்தபோது அசிடிட்டி என்று சொல்லி, மருந்துகள் கொடுத்தார். ஆனாலும் அதிலிருந்து முழுமையாக என்னால் மீள முடியவில்லை. அசிடிட்டிக்கும் நெஞ்சுவலிக்கும் என்ன தொடர்பு?

பதில் சொல்கிறார் சென்னையைச் சேர்ந்த, வயிறு, குடல், இரைப்பை அறுவைசிகிச்சை மருத்துவர் பட்டா ராதாகிருஷ்ணா.

வயிறு, குடல், இரைப்பை அறுவைசிகிச்சை மருத்துவர் பட்டா ராதாகிருஷ்ணா | சென்னை.

உணவுக்குழாயின் அருகில் வால்வு ஒன்று இருக்கும். அதில் கசிவு ஏற்படும்போது இரைப்பையில் சுரக்கும் அமிலமானது எதுக்களித்து வந்து நெஞ்சுவலியையும் முதுகுவலியையும் ஏற்படுத்தலாம். உணவுக்குழாய் என்பது இதயம் துடிப்பதைப் போல மென்மையாக இயங்கிக்கொண்டே இருக்கும். அமிலம் எதுக்களித்து வரும் பிரச்னை இருப்பவர்களுக்கு இந்த இயக்கம் முறையற்று இருக்கும். அதன் காரணமாக நெஞ்சுவலியை உணர்வார்கள். சாதாரணமாக இரைப்பையில் சுரக்கக்கூடிய அமிலமானது ரிவர்ஸில் உணவுக்குழாய்க்கு வரும்போது நெஞ்சுவலி வரலாம்.

ஹார்ட் அட்டாக்கின் காரணமாக ஏற்படும் நெஞ்சுவலியை அஜீரணக் கோளாறு என அலட்சியம் செய்பவர்களைப் போலவே, அஜீரணத்தால் ஏற்படும் நெஞ்சுவலியை ஹார்ட் அட்டாக்கின் அறிகுறியாக நினைத்து பயப்படுகிறவர்களும் இருக்கிறார்கள். அமிலம் எதுக்களித்து வருவதால் ஏற்படும் நெஞ்சுவலியை அப்படித்தான் பலரும் நினைத்துக்கொள்வார்கள். உடனே இசிஜி எடுப்பது, எக்கோ எடுப்பது என அடுத்தகட்டத்துக்குப் போவார்கள்.

இவர்களைப் பரிசோதித்துவிட்டு, நெஞ்சுவலிக்கு ஹார்ட் அட்டாக் காரணமில்லை என்பதை இதயநோய் மருத்துவர் உறுதிசெய்த பிறகுதான் அது அமிலச்சுரப்பின் காரணமாக வந்தது என்பதை ஏற்றுக்கொள்வார்கள். இந்தப் பிரச்னை உள்ளவர்கள் அவ்வப்போது வலி வரும்போது மருந்து, மாத்திரைகளை எடுத்துக்கொள்வது, அப்போதைக்கு தற்காலிக நிவாரணம் பெறுவது என்று இருக்கக்கூடாது. வாழ்க்கை முறையில் மாற்றங்களைப் பின்பற்ற வேண்டும்.

சரியான நேரத்துக்குச் சாப்பிடுவது, சரிவிகித உணவுகளைச் சாப்பிடுவது, உடற்பயிற்சி, சிகரெட், மதுப்பழக்கங்களைத் தவிர்ப்பது, வெளி உணவுகளை அதிகம் சாப்பிடாமல் இருப்பது என ஆரோக்கியமான லைஃப்ஸ்டைலின் மூலம் இந்தப் பிரச்னையிலிருந்து மீளலாம். இது உயிருக்கு ஆபத்தை ஏற்படுத்தக்கூடியதல்ல என்பதால் கவலை வேண்டாம்.

உங்கள் கேள்விகளை கமென்ட் பகுதியில் பகிர்ந்து கொள்ளுங்கள்; அதற்கான பதில்கள் தினமும் விகடன் இணையதளத்தில் #DoctorVikatan என்ற பெயரில் வெளியாகும்.


Labels:

Comments

Post a Comment

Popular posts from this blog

Sundar Pichai: "அன்றிலிருந்து என் வாழ்க்கை மாறிவிட்டது!"- கூகுளில் 20 வருடங்கள் கடந்த சுந்தர் பிச்சை

சுந்தர் பிச்சை, தமிழ்நாட்டில் சாதாரணக் குடும்பப் பின்னணியிலிருந்து வந்து இன்று கூகுளின் தலைமைச் செயல் அதிகாரியாக (சிஇஓ) பணியாற்றுபவர். சுந்தர் பிச்சை, சென்னை அசோக் நகர் ஜவஹர் வித்யாலயாவிலும், மெட்ராஸ் ஐ.ஐ.டி-யின் வனவாணி பள்ளியிலும் படித்தார். பின், ஐ.ஐ.டி கரக்பூரில் இன்ஜினீயரிங் படித்தார். அமெரிக்காவில் ஸ்டான்ஃபோர்டு பல்கலைக்கழகத்தில் மாஸ்டர்ஸும், வார்டன் ஸ்கூலில் எம்.பி.ஏ-வும் முடித்தவர், மெக்கன்சியில் புராடெக்ட் மேனேஜ்மென்ட் கன்சல்டன்டாக வேலைக்குச் சேர்ந்தார். பின்னர் தனது காதலியும் மனைவியுமான அஞ்சலியின் மென்பொருள் நிறுவனமான Intuit-ல் வணிக இயக்க மேலாளராகத் தன் கரியரைத் தொடர்ந்தார். அதன்பின் Accenture நிறுவனத்தில் மூன்று ஆண்டுகள் பணிபுரிந்தார். 2004க்குப் பிறகுதான் அவருடைய வாழ்க்கையில் திருப்புமுனை ஆரம்பமானது.சுந்தர் பிச்சை, அஞ்சலி 2004-ல் கூகுள் டூல் பார் (Tool bar) புராடெக்ட் மேனேஜராக வேலைக்குச் சேர்ந்தவர், தன்னுடைய திறமையால் தொடர்ச்சியாக அந்நிறுவனத்தின் அடுத்தடுத்த பதவிகளுக்கு முன்னேறினார். 2015-ல் கூகுளின் தலைமை நிர்வாகியாக உயர்ந்தார். 2019-ல் கூகுளின் தாய் நிறுவனமான Alphabet ...
Post a Comment
Read more

`மூச்சு விடமுடியவில்லை, நிறுத்துங்கள்' - அமெரிக்க போலீஸ் தாக்குதல்... மீண்டும் ஒரு `ஃபிளாய்ட்?’

`Black Lives Matter' என்ற வாசகத்தை எவரும் அவ்வளவு எளிதில் மறந்துவிடமாட்டார்கள். ஒவ்வொருமுறை இனவெறித் தாக்குதல் முறை நடக்கும்போதும் உரிமைக்குரலாக உச்சரிக்கப்படும் இந்த வாசகம், 2020-ல் அமெரிக்காவில் ஜார்ஜ் ஃபிளாய்ட் என்ற ஆப்ரிக்க அமெரிக்கர் ஒருவர் போலீஸ் அதிகாரிகளால் நடுரோட்டில் கொல்லப்பட்ட சம்பவத்துக்கு எதிரான போராட்டங்களின் மூலம் உலகம் முழுவதும் எதிரொலித்தது. இன்றும் பல இனவெறித் தாக்குதலுக்கு எதிராக இது எதிரொலித்துகொண்டே இருக்கிறது.அமெரிக்கா - போராட்டம் இந்த நிலையில், அமெரிக்காவில் மீண்டும் ஒரு ஆப்ரிக்க அமெரிக்கர் போலீஸாரின் தாக்குதலில் கொல்லப்பட்ட சம்பவம் அதிர்ச்சியை ஏற்படுத்தியிருக்கிறது. முன்னதாக, கடந்த 18-ம் தேதி ஒஹாயோ மாகாணத்தில் மின்கம்பத்தின் மீது கார் ஒன்று மோதி விபத்து ஏற்பட்டிருக்கிறது. அப்போது அங்குவந்த போலீஸ் அதிகாரிகளிடம், விபத்து ஏற்படுத்திய நபர் தப்பித்து பாருக்குள் (Bar) ஓடிவிட்டதாக அங்கிருந்தவர்கள் கூறியிருக்கின்றனர். அதைத்தொடர்ந்து, பாருக்குள் சென்ற போலீஸ் அதிகாரிகள் சந்தேகத்தின் பேரில் பிராங்க் டைசன் எனும் 53 வயது ஆப்ரிக்க அமெரிக்க நபரை வலுக்கட்டாயமாக இழுத்து,...
Post a Comment
Read more

மரபணு சிகிச்சையில் செவித்திறன் பெற்ற சிறுமி - அனைத்து பரம்பரை நோய்களுக்கும் தீர்வு கிடைக்குமா?

நம் உடல், பல கோடான கோடி செல்களால் ஆனது. இந்தச் செல்களில் சுமார் 22 ஆயிரம் மரபணுக்கள் உள்ளன. பெரும்பாலான செல்களில் உட்கரு உண்டு. இங்குதான் DNA மூலக்கூறுகள் உள்ளன. இந்த DNA மூலக்கூறுகள்தான் இந்த மரபணுத் தகவல்களைச் சுமந்து கொண்டு உள்ளன. இந்த மரபணுக்களின் இயக்கம்தான், நம் இயக்கம். உதாரணமாக, நம் உமிழ் நீரில் அமைலேஸ் என்ற ஒரு நொதி உள்ளது. இந்த நொதிதான் நம் உணவில் உள்ள மாவுப் பொருளைச் சிதைத்து குளுக்கோஸை உற்பத்தி செய்கிறது. இந்த நொதியை உற்பத்தி செய்யத் தேவையான தகவல், AMY1 என்ற மரபணுவில் உள்ளது. இந்த மரபணுவில் உள்ள தகவலின் படிதான் அமைலேஸ் என்ற ஒரு நொதி தயாரிக்கப்படுகிறது. அதாவது, AMY1 என்ற மரபணுவில் ஏதாவது தவறு இருந்தால், அமைலேஸ் என்ற ஒரு நொதி செயலிழக்கும். இந்த நிலையில் உள்ள மரபணு நோயாளி, உணவு சாப்பிட்டால் அவருக்குச் செரிமானமாகாது. மரபணு அதிகரிக்கும் உணவுத் தேவை: தொழில்நுட்பத்தில் தயாராகும் செயற்கை மீன், இறைச்சி... உடலுக்கு நல்லதா..? மரபணுவில் உள்ள தகவலில் தவறு இருந்தால், மரபணு நோய் ஏற்படும். இதனைப் பரம்பரை நோய் எனலாம். காரணம், இந்த நோய் பெற்றோர்கள்/மூதாதையர்களிடமிருந்து பிள்ளைகளுக்கு ...
Post a Comment
Read more