Skip to main content

``ஆபரேஷன் லோட்டஸ் அமபலமாகி விட்டது..!" - பாஜக-வைச் சாடிய காங்கிரஸ்

மேற்கு வங்க மாநில தேசிய நெடுஞ்சாலையில், ஜார்கண்ட் மாநில காங்கிரஸ் எம்.எல்.ஏ-க்கள் 3 பேர், நேற்றிரவு காரில் கட்டுக்கட்டாகப் பணத்துடன் சிக்கியுள்ள சம்பவம் பெரும் பரபரப்பை ஏற்படுத்தியிருக்கிறது. இதில் சிக்கியுள்ள எம்.எல்.ஏ-க்கள் இர்பான் அன்சாரி, ராஜேஷ் கச்சாப் மற்றும் நமன் பிக்சல் கொங்கரி என தெரியவந்துள்ளது. மேற்கு வங்கத்தில், ஆசிரியர் நியமன முறைகேட்டில் அமைச்சர் ஒருவர் கைதுசெய்யப்பட்டதையடுத்து, குறிப்பிட்ட சிலரை மட்டுமே அமலாக்கத்துறை ஆய்வு செய்கிறதா என திரிணாமுல் கேள்வியெழுப்பியிருந்த நிலையில் இந்தச் சம்பவம் நடந்திருக்கிறது.பறிமுதல் செய்யப்பட்ட பணம் நேற்றிரவு, மேற்கு வங்கத்தின் பஞ்ச்லா காவல் நிலையத்துக்குட்பட்ட பகுதியிலுள்ள தேசிய நெடுஞ்சாலையில் இவர்கள் மூவரும் சென்றுகொண்டிருந்த காரை போலீஸார் மறித்திருக்கின்றனர். அப்போது காரை சோதனை செய்ததில், பெரிய தொகையிலான பணம் இருப்பது தெரியவந்திருக்கிறது. எஸ்.பி ஸ்வாதி பங்காலியா இது குறித்து ரூரல் ஹவுரா எஸ்.பி ஸ்வாதி பங்காலியா, ``ஜார்கண்ட் மாநிலத்தைச் சேர்ந்த மூன்று எம்.எல்.ஏ-க்கள் காரில் இருந்தனர். அதோடு நிறைய பணமும் இருந்தது. பெரிய தொகையாக இருக்கும் என்பதால், பணம் எண்ணும் இயந்திரத்தை நாங்கள் கேட்க வேண்டியிருந்தது. மேலும், முழு எண்ணிக்கை முடிந்த பிறகே எவ்வளவு பணம் மீட்கப்பட்டது என்பது தெரியவரும்" என ஊடகத்திடம் கூறினார். மேலும் ஒரு போலீஸ் அதிகாரியொருவர், எம்.எல்.ஏ-க்களுடன் மேலும் இருவர் இருந்ததாகவும், காரில் காங்கிரஸின் தேர்தல் சின்னத்துடன் எம்.எல்.ஏ ஜம்தாரா ஜார்கண்ட் என்று குறிப்பிடப்பட்டிருந்ததாகவும் தெரிவித்தார்.காங்கிரஸ் எம்.பி ஜெய்ராம் ரமேஷ் இந்தச் சம்பவத்தையடுத்து, பா.ஜ.க-வும் காங்கிரஸும் ஒன்றையொன்று சாடிவருகின்றன. இது குறித்து காங்கிரஸ் எம்.பி ஜெய்ராம் ரமேஷ், ``பா.ஜ.க-வின் `ஆபரேஷன் லோட்டஸ்’ இன்றிரவு ஹவுராவில் அம்பலமானது" என என நேற்று ட்வீட் செய்திருந்தார். அதனைத் தொடர்ந்து ஜார்கண்ட் மாநில பா.ஜ.க பொதுச்செயலாளர் ஆதித்யா சாஹு, ``ஜார்க்கண்ட் முக்தி மோர்ச்சா-காங்கிரஸ் கூட்டணி ஆட்சியில் ஊழல் நடந்ததற்கு இந்தப் பணமே ஆதாரம். அவர்கள் ஆட்சிக்கு வந்ததிலிருந்து, ஊழல் அதிகரித்து வருகிறது" எனச் சாடியிருந்தார். இந்த சம்பவம் காரணமாக, சம்பத்தப்பட்ட 3 எம்.எல்.ஏ-க்களையும் காங்கிரஸ் இடைநீக்கம் செய்திருக்கிறது.50 கோடி பணம்: ``என் வீடுதான்... ஆனால் எனக்கே அனுமதி இல்லை” - மே.வங்க அமைச்சரின் உதவியாளர்
http://dlvr.it/SVpS3v

Comments

Post a Comment

Popular posts from this blog

Zhong yang: அதிகாரிகளுடன் முறையற்ற உறவு; முன்னாள் ஆளுநருக்கு 13 ஆண்டுகள் சிறை; பின்னணி என்ன?

சீனாவைச் சேர்ந்த ஜாங் யாங் (Zhong Yang) குக்கு 13 ஆண்டுகள் சிறைத் தண்டனையும், ஒரு மில்லியன் யுவான் (சுமார் ₹1.18 கோடி) அபராதமும் விதித்து சீன நீதிமன்றம் உத்தரவிட்டிருக்கிறது. இவர் ஆளுநராக இருந்தவர். தோற்றம் மற்றும் உடை அலங்காரத்தால் எப்போதும் இளமையாகக் காட்சியளிக்கும் 52 வயதான ஜாங் யாங், மக்களால் 'மிக அழகான ஆளுநர்' எனப் புகழப்படுகிறார். சாதாரணக் குடும்பப் பின்னணியைச் சேர்ந்த இவர், 22 வயதில் கம்யூனிஸ்ட் கட்சியில் இணைந்து செயல்படத் தொடங்கினார்.ஜாங் யாங் தொடர்ந்து அரசியலிலும், பதவிகளிலும் முன்னேறி வந்த இவர் மீது, தனியார் தொழில்துறை நிறுவனங்களுடன் தொழில்முறை ஒப்பந்தங்களில் முறைகேடு செய்ததாக வழக்குத் தொடரப்பட்டது. மேலும், அவருக்குக் கீழ் பணிபுரியும் துணை அதிகாரிகள் 58 பேருடன் முறையற்ற உறவிலிருந்ததாகவும் புகார் அளிக்கப்பட்டது. இதில், சிலர் அவரிடமிருந்து பலனை எதிர்பார்த்தும், பலர் அவரின் அதிகார துஷ்பிரயோகத்துக்குப் பயந்து இதில் ஈடுபட்டுள்ளனர். இவர் குறிவைக்கும் துணை நிலை அதிகாரிகளை, அலுவலகத்தில் அதிக நேரம் வேலை செய்யவைப்பதின் மூலமும், தொழில்முறைப் பயணங்கள் என்ற போர்வையிலும் கட்டாய...
Post a Comment
Read more

மரபணு சிகிச்சையில் செவித்திறன் பெற்ற சிறுமி - அனைத்து பரம்பரை நோய்களுக்கும் தீர்வு கிடைக்குமா?

நம் உடல், பல கோடான கோடி செல்களால் ஆனது. இந்தச் செல்களில் சுமார் 22 ஆயிரம் மரபணுக்கள் உள்ளன. பெரும்பாலான செல்களில் உட்கரு உண்டு. இங்குதான் DNA மூலக்கூறுகள் உள்ளன. இந்த DNA மூலக்கூறுகள்தான் இந்த மரபணுத் தகவல்களைச் சுமந்து கொண்டு உள்ளன. இந்த மரபணுக்களின் இயக்கம்தான், நம் இயக்கம். உதாரணமாக, நம் உமிழ் நீரில் அமைலேஸ் என்ற ஒரு நொதி உள்ளது. இந்த நொதிதான் நம் உணவில் உள்ள மாவுப் பொருளைச் சிதைத்து குளுக்கோஸை உற்பத்தி செய்கிறது. இந்த நொதியை உற்பத்தி செய்யத் தேவையான தகவல், AMY1 என்ற மரபணுவில் உள்ளது. இந்த மரபணுவில் உள்ள தகவலின் படிதான் அமைலேஸ் என்ற ஒரு நொதி தயாரிக்கப்படுகிறது. அதாவது, AMY1 என்ற மரபணுவில் ஏதாவது தவறு இருந்தால், அமைலேஸ் என்ற ஒரு நொதி செயலிழக்கும். இந்த நிலையில் உள்ள மரபணு நோயாளி, உணவு சாப்பிட்டால் அவருக்குச் செரிமானமாகாது. மரபணு அதிகரிக்கும் உணவுத் தேவை: தொழில்நுட்பத்தில் தயாராகும் செயற்கை மீன், இறைச்சி... உடலுக்கு நல்லதா..? மரபணுவில் உள்ள தகவலில் தவறு இருந்தால், மரபணு நோய் ஏற்படும். இதனைப் பரம்பரை நோய் எனலாம். காரணம், இந்த நோய் பெற்றோர்கள்/மூதாதையர்களிடமிருந்து பிள்ளைகளுக்கு ...
Post a Comment
Read more

Doctor Vikatan: ஒருமுறை heart attack வந்தவர்கள் மீண்டும் வராமல் தடுக்க முடியுமா?

Doctor Vikatan: என் நண்பனுக்கு 52 வயதாகிறது. சமீபத்தில் அவனுக்கு ஹார்ட் அட்டாக் (heart attack) வந்து அதிலிருந்து மீண்டான். ஒருமுறை ஹார்ட் அட்டாக் வந்தால், அது மீண்டும் வருமா.... அப்படி வராமலிருக்க என்னவெல்லாம் செய்ய வேண்டும்? பதில் சொல்கிறார் சென்னையைச் சேர்ந்த, இதயநோய் மருத்துவர் அருண் கல்யாணசுந்தரம். மருத்துவர் அருண் கல்யாணசுந்தரம் ஒருமுறை ஹார்ட் அட்டாக் (heart attack) வந்த எல்லோருக்கும் அது மீண்டும் வந்துதான் ஆக வேண்டும் என்பதில்லை. உங்கள் நண்பரை, மருத்துவர்களுடன் தொடர்பில் இருக்கச் சொல்லுங்கள். உடல்நலம் குறித்துப் பேசும்படியான சப்போர்ட் க்ரூப் அவருக்கு மிக அவசியம். ஹார்ட் அட்டாக் வந்தவர்கள் மட்டுமல்ல, இதய நோய் வரும் ரிஸ்க் பிரிவில் உள்ள எல்லோருமே வாழ்வியல் மாற்றங்களைப் பின்பற்றியே ஆக வேண்டும். உங்கள் நண்பருக்கு மருத்துவர் இது குறித்து நிச்சயம் அறிவுறுத்தியிருப்பார். இதுவரை, அவர் அந்த விஷயங்களைப் பின்பற்றவில்லை என்றாலும், இனிமேலாவது அவசியம் பின்பற்றியே ஆக வேண்டும். அந்த வகையில் உடற்பயிற்சியும் உணவுக்கட்டுப்பாடும் மிகவும் முக்கியம். உடற்பயிற்சி Doctor Vik...
Post a Comment
Read more